Gujarati News

Gujarati News

News of Monday, 17th May 2021

નેરાણાધામના પુતિઆઇને શ્રધ્ધાંજલી અર્પતા પુ. ઇન્દ્રભારતીબાપુ અને કાંધલ જાડેજા

જુનાગઢ : પોરબંદરના નેરાણાધામના પુતિઆઇ શનિવારે દેવલોક પામ્યા છે. સાત દાયકાથી ભજન ભોજનની આહલેક જગાવી તેમની ચિરવિદાયથી પોરબંદર પંથકમાં શોક છવાયો છે. મઢડાવાળા સોનલમાંના પરમ ઉપાસક એવા રાણાવાવના નેરાણાધામના પુતિઆઇએ નેરાણા ગામે ૧૧૧૧ દિકરીઓના સમુહલગ્ન કરાવ્યા હતા. પુતિઆઇ કોરોનાથી સંક્રમિત થતા તેઓને પોરબંદર ખાનગી હોસ્પિટલમાં દાખલ કરેલ ત્યાંથી વધુ સારવાર અર્થે જામનગર અને ત્યાંથી અમદાવાદ લઇ જવામાં આવેલ જયાં સારવાર દરમિયાન તેઓએ અંતિમ શ્વાસ લીધા હતા. નેરાણાધામ ખાતે તેમની અંતિમવિધીમાં જુનાગઢ રૂદ્રેશ્વર જાગીર ભારતી આશ્રમના મહંત પુ. ઇન્દ્રભારતીબાપુ તેમજ ધારાસભ્ય કાંધલ જાડેજા લખનભાઇ ઓડેદરા સહીતનાએ તેમના નશ્વર દેહને શ્રધ્ધાંજલી આપી અંતિમ સંસ્કાર વિધિમાં જોડાય અને શ્રધ્ધાસુમન અર્પણ કર્યા હતા. (અહેવાલ : વિનુ જોશી - તસ્વીર : મુકેશ વાઘેલા - જામનગર)

(1:41 pm IST)
  • શ્રીનગરની ભાગોળે બે આતંકીઓ ઠાર મરાયા : બાકીના સાથે મૂઠભેડ ચાલુ : શ્રીનગરને અડીને આવેલા ખાન મોહ વિસ્તારમાં બે આતંકવાદીઓને સુરક્ષાદળોએ ઠાર માર્યા છે, જયારે બીજા ૨ થી ૩ આતંકવાદીઓ સાથે મૂઠભેડ ચાલુ છે : આજે વ્હેલી સવારે આ વિસ્તારમાં આતંકીઓ જોવા મળ્યાની જાણ થતાં એસઓજી, લશ્કર અને સીઆરપીએફની સંયુકત ટુકડી પહોંચી ગયેલ અને એક મકાનમાં છુપાયેલા આતંકીઓ સાથે મૂઠભેડ શરૂ થયેલ : સુરક્ષા કર્મીઓ ઘર-ઘરની તલાશી લેતા હતા ત્યારે એક મકાનમાં છુપાયેલા આ આતંકીઓએ નજીક આવેલા જવાનો ઉપર ગોળીબાર શરૂ કરેલ : સુરક્ષાદળોએ આત્મસમર્પણ કરવા કહ્યુ છતા આતંકીઓએ ગોળીબાર ચાલુ રહેતા બે ને ઠાર મારવામાં આવેલ access_time 12:15 pm IST

  • આજે ૧૦ વાગ્યા આસપાસ હવામાન ખાતાએ મહારાષ્ટ્રના રાયગઢ, પાલઘર, મુંબઈ, થાણે અને રત્નાગીરી વિસ્તારમાં ૩ કલાકમાં ૯૦ થી ૧૦૦ કિ.મી. ઝડપે તોફાની પવન અને મધ્યથી ભારે વરસાદ પડવાની આગાહી કરી છે : સાથે જ સવારે ૩ કલાક માટે મુંબઈ એરપોર્ટ ઉપર કાર્યવાહી થંભાવી દેવામાં આવી હતી access_time 12:14 pm IST

  • વાવાઝોડું દીવ થી 90કી. મી. દૂર :પોરબંદર માં રાત્રે 8વાગે 70 થી 80 કી. મી. ની ઝડપે પવન ફૂંકાશે :સાંજે 6વાગે પોરબંદર માં 1મી. મી નુ ઝાપટું :30 કી. મી ની ઝડપે ફૂંકાતો પવન :વાવાઝોડા ની સ્પીડ ઘટી :અહેવાલ હેમેન્દ્રભાઈ પારેખ, પોરબંદર. access_time 6:10 pm IST