Gujarati News

Gujarati News

News of Monday, 17th May 2021

મોરબીમાં લાંબા સમય બાદ આજે કોરોનાથી એક પણ મોત નહી, જ્યારે ૨૪ નવા કેસ

(પ્રવિણ વ્યાસ દ્વારા) મોરબી તા. ૧૭ : મોરબી જિલ્લામાં કોરોનાની સ્થિતિ હળવી થયા બાદ સરકારી તંત્રએ વાસ્તવિક આંકડા નજીક કેસ દર્શાવવાનું શરૂ કર્યું હોય તેમ ૧૬ મેં, રવિવારે સરકારી તંત્રએ જાહેર કરેલ વિગત મુજબ આરોગ્ય વિભાગ દ્વારા કુલ ૬૬૪ લોકોના કોરોના ટેસ્ટ કરવામાં આવ્યા હતા. જેમાથી કુલ ૨૪ વ્યકિતના રિપોર્ટ પોઝિટિવ દર્શાવવામાં આવ્યા છે. જયારે તંત્રએ આજે એક પણ કોવિડ ડેથ જાહેર કર્યું નથી. જયારે મૃતકોની કોરોના ગાઈડલાઈન મુજબ અંતિમવિધિ કરતી મોરબીની ફાયર વિભાગની ટીમ દ્વારા પણ આજે લાંબા સમય બાદ એક પણ મૃતકોની અંતિમવિધિ કરવામાં આવી નથી.

સરકારી વિભાગે જાહેર કરેલા આજના નવા પોઝિટિવ કેસ

મોરબી સીટી ૦૮, મોરબી ગ્રામ્ય ૦૬, વાંકાનેર સીટી ૦૧, વાંકાનેર ગ્રામ્ય ૦૨, ટંકારા ગ્રામ્ય ૦૭, જિલ્લાના કુલ ૨૪ નવા કેસ નોંધાયા છે.

ડિસ્ચાર્જ અપાયેલ કેસની વિગત

મોરબી તાલુકામાં ૪૧, વાંકાનેર તાલુકામાં ૦૧, હળવદ તાલુકામાં ૧૩, ટંકારા તાલુકામાં ૭, જિલ્લાના કુલ ૬૨ દર્દીઓને ડિસ્ચાર્જ કરાયા.

કુલ એકિટવ કેસ ૬૭૫, કુલ ડિસ્ચાર્જ કેસ ૫૨૬૪, મૃત્યુઆંક ૮૫ (કોરોનાના કારણે) ૨૫૬ (અન્ય બીમારીના કારણે), કુલ મૃત્યુ ૩૪૧, કુલ નોંધાયેલા પોઝિટિવ કેસ ૬૨૮૦, અત્યાર સુધીના કુલ ૨૮૦૧૬૨ ટેસ્ટ થયા છે.

(1:47 pm IST)
  • વાવાઝોડાને કારણે પવનની ઝડપ ૧૦૦-૧૨૦ રહેવાની હોય રાજકોટ શહેર જીલ્લાના લોકો જર્જરીત અને કાચા મકાનોમાંથી તાકીદે ખસી જાય : કલેકટર : વાવાઝોડા સંદર્ભે રાજકોટ કલેકટર રેમ્યા મોહનની લોકોને અપીલ : વાવાઝોડાને કારણે પવનની ઝડપ ૧૦૦-૧૧૦-૧૨૦ કિ.મી. રહેવાની હોય ચેતવણી હોય લોકો પોતાના જર્જરીત અને કાચા મકાનોમાંથી તાત્કાલીક ખસી જાય : તંત્ર દ્વારા ગઈકાલથી જ સ્થળાંતરની કામગીરી ચાલુ છે : સ્થળાંતર અંગે નજીકના મામલતદાર - તલાટી - ડે. કલેકટરનો સંપર્ક તાકીદે કરવો access_time 12:15 pm IST

  • વાવાઝોડા- ભારે વરસાદની આગાહી સંદર્ભે આજી નદી કાંઠે રેડ એલર્ટ : રાજકોટમાં નદી કાંઠાના જંગલેશ્વર-બેડીપરા-રામનાથપરા વિસ્તારમાં માઇક દ્વારા લોકોને સાવચેત રહેવા ચેતવણી અપાઇઃ નદીના પટ્ટમાં અવર-જવર પર પ્રતિબંધઃ જરૂર પડે ૭૦૦ થી ૮૦૦નાં સ્થળાંતર માટે રેસ્કયુ સેન્ટર તૈયાર રખાયાઃ રબ્બર બોટ, દોરડા, ટયુબ સહિતનાં સાધનો સાથે રેસ્કયુ ટીમો તૈનાત access_time 12:15 pm IST

  • દીવ-વેરાવળમાં અનેક હોર્ડિંગ્સ જમીન દોસ્ત : જાફરાબાદમાં વીજ ટ્રાન્સફોર્મર પડ્યું છે :અત્યાર સુધીમાં 234 વીજ થાંભલા પડયા: કાચા મકાનો અને ઝૂંપડાઓને ભારે નુકસાન: દરિયાકિનારાના 34 કાચા મકાનો તૂટી પડયા છે. access_time 1:41 am IST