Gujarati News

મોરબી :  રાજ્યના નવા મુખ્યમંત્રી ભુપેન્દ્ર પટેલની સરકારના નવા મંત્રીમંડળમાં મોરબીના ધારાસભ્ય બ્રિજેશ મેરજાનો સમાવેશ કરવામાં આવ્યો છે.આથી મોરબીમાં ભાજપના કાર્યકરોએ ફટાકડાની આતિશબાજી કરીને ખુશી મનાવી હતી.

રાજ્યના નવા મંત્રી મંડળમાં મોરબીના ધારાસભ્ય બ્રિજેશ મેરજાનો સમાવેશ થતા મોરબી ભાજપની છાવણીમાં ખુશાલીનું મોજું ફરી વળ્યું હતું. અને ભાજપના કાર્યકરોએ ધારાસભ્ય બ્રિજેશ મેરજાની રાજ્યના નવા મંત્રી મંડળમાં પસંદગીને હર્ષભેર વધાવી હતી. તેમજ મોરબીના શનાળા રોડ ઉપર નવા બસ સ્ટેન્ડ પાસે સુપર માર્કેટ સામે આવેલા ભાજપના કાર્યાલય ખાતે ભાજપના કાર્યકરોએ ફટાકડા ફોડી ખુશાલી મનાવી હતી. જેમાં મોરબી જિલ્લા ભાજપ પ્રમુખ દુલર્ભજીભાઈ દેથરીયા, જિલ્લા પંચાયતની બાંધકામ સમિતિના અજય લોરીયા અને તાલુકા તેમજ જિલ્લા ભાજપના અગ્રણીઓ અને કાર્યકરોએ આ જશ્ન મનાવ્યો હતો.