Gujarati News

રાજકોટ તા. ૧૭ : જિલ્લા પંચાયતની જસદણ તાલુકાની બે બેઠકો માટે કાલે ફોર્મ ભરવાનો છેલ્લો દિવસ છે. ભાજપે સાણથલી બેઠક માટે રસિલાબેન રમેશભાઇ વેકરિયા અને કોંગ્રેસે શારદાબેન વિનુભાઇ ધડુકને ટીકીટ આપી છે. શારદાબેન ગઇ ચૂંટણીમાં થોડા મતે હાર્યા હતા. શિવરાજપુર બેઠક માટે કોંગી ઉમેદવાર તરીકે વિનુભાઇ જગશીભાઇ મેણીયા જાહેર થયા છે. ભાજપ આ બેઠકના ઉમેદવારનું નામ સાંજ સુધીમાં જાહેર કરનાર છે. ૩ ઓકટોબરે મતદાન છે.