Gujarati News

જૂનાગઢ એસ.ટી.ડેપોની  મહિલા કંડક્ટર સાથે ગરેવર્તણૂક થયાની અને કથિત રીતે ઉપરી અધિકારી દ્વારા  શારિરીક સંબંધો કેળવવાની માંગણી કરતી એક ઓડિયો ક્લિપ સોશિયલ મીડિયામાં ખૂબ વાયરલ થઈ છે. આ કથિત વાયરલ ક્લિપમાં મહિલા કંડક્ટરની સાથે જેતપુર ડેપોના એક ટી.આઈ.એ મહિલા પાસે આડકતરી રીતે શારિરીક સંબંધોની માંગણી કરી હોય તેવું લાગી રહ્યુ છે. જોકે, મહિલા કંડક્ટર આ વાતને અસાહજિકતાથી લઈને 'મને કઈ સમજાતું નથી તમે અધિકારી થઈને શું કહી રહ્યો છો?' તેવું કહી દેતા સામેની વ્યક્તિએ વાતને વાળવાનો પ્રયાસ કર્યો છે. ખેર આ ઓડિયો ક્લિપ વોટ્સએપ વાયરલનો વિષય બની જતા આખરે સમગ્ર એસટી વિભાગમાં ખળભળાટ મચી ગયો છે. આ ખળભળાટના પગલે વાયરલ ઓડિયો ક્લિપની તપાસના આદેશ આપવામાં આવ્યા છે. જેતપુર ડેપોના ટી.આઈ. ને આ મામલે સસ્પેન્ડ કરવામાં આવ્યા છે.
 એક તરફ જામનગરની જી.જી. હૉસ્પિટલમાં મહિલા સ્ટાફ સાથે શારિરીક સંબંધની માંગણીઓનો વિષય ખૂબ ચર્ચામાં આવ્યો છે, આ અંગે રાજ્યના ગૃહમંત્રી પ્રદિપસિંહ જાડેજા દ્વારા તપાસના આદેશ પણ આપવામાં આવ્યા છે ત્યારે સરકારના જ બીજા વિભાગ એસ.ટી.ના નામે વાયરલ થયેલી આ ઓડિયો ક્લિપે ચકચાર જગાવી છે