Gujarati News

દેવભૂમિ દ્વારકા જિલ્લાના કલ્યાણપુર તાલુકામાં વીજ કરન્ટ ના કારણે 3 ના મોત થતા અરેરાટી ફેલાઈ છે

આ અંગે મળતી વિગત મુજબ કલ્યાણપુર તાલુકાના ચાચલાણા ગામે ખેતરમાં ટીસી પર રીપેરીંગ કરવા જતાં એક વ્યક્તિ ને વીજ કરન્ટ લાગ્યા બાદ બીજા વ્યક્તિ એ બચાવવા જતા તેને પણ વીજ કરન્ટ લાગતા મોત નીપજ્યું હતું

 બનાવની જાણ થતાં કલ્યાણપુર પોલોસ ઘટના સ્થળે પહોંચી મૃતદેહ ને પીએમ અર્થે ખસેડવામાં આવ્યા હતા

જ્યારે બીજી ઘટનામાં કલ્યાણપુરના ગઢકા ગામે ખેતરમાં જીવંત વીજ વાયર નીચે પડતા બાળકીનું મોત નીપજ્યું હતું  બાળકી ખેતરમાં રમતી વેળાએ જ વીજ વાયર નીચે પડતા મોત નીપજ્યું હતું
વીજ કરન્ટ ની બે ઘટનામાં કુલ 3 મોત નીપજતા કલ્યાણપુર પંથકમાં અરેરાટી વ્યાપી ગઇ હતી.