Gujarati News

(વિનુ જોશી દ્વારા) જુનાગઢ, તા. ૧૮:  સોમવારે પોરબંદરમાં સ્‍વામી શ્રી સદાનંદ સરસ્‍વતીજી મહારાજ, પૂભાઇશ્રી રમેશભાઇ ઓઝાની પાવન ઉપસ્‍થિતિમાં વિશાળ ધર્મસભા યોજાશે.

અનંતશ્રી વિભૂષિત દ્વારકાપીઠાધીશ્વર જગદ્‌્‌ગરુ શંકરાચાર્ય પ.પૂ. શ્રી સદાનંદ સરસ્‍વતીજી મહારાજ આપણાં પોરબંદરના આંગણે તા. ર૧-૧૧-ર૦રર ને સોમવાર ના રોજ પધારી રહ્યા છે. અને આ ધર્મસભામાં પોરબંદર જીલ્લાના સાધુસંતો અને રાજકીય  મહાપુરૂષો ઉપસ્‍થિત રહેશે.

ભાવિકોને સાંજે ૪-૩૦ થી ૬-૩૦ સુધી શ્રી સાંદીપનિ ઓડીટોરયમ (સભાગૃહ)  પોરબંદર ખાતે ઉપસ્‍થિત રહેવા શ્રી સાંદીપનિ પરિવાર, શ્રી ભારતીય સંસ્‍કૃતિ સંવર્ધક ટ્રસ્‍ટ, શ્રી હરિમંદિર સેવા ટ્રસ્‍ટ, શ્રી સત સાહિત્‍ય પ્રકાશન ટ્રસ્‍ટ અને દેશ-વિદેશમાં ચાલતી સાંદીપનિની તમામ શાખા પરિવાર  દ્વારા આમંત્રણ પાઠવાયું છે.