Gujarati News

(પ્રવિણ વ્‍યાસ દ્વારા)મોરબી,તા. ૧૯: હળવદમાં આજરોજ મીઠાની કંપનીમાં દિવાલ પડતા ૧૨ લોકોના કરૂણ મોત નિપજયા છે ત્‍યારે આ મામલે મોરબી આમ આદમી પાર્ટીએ પોલીસ ઇન્‍સ્‍પેકટર અને મામલતદારને આવેદનપત્ર આપીને જવાબદારો સામે કડક પગલાં ભરવા માંગ કરી છે.
આમ આદમી પાર્ટીએ આપેલા આવેદનપત્રમાં જણાવાયું છે કે, આ કંપનીની એક ઘોર બેદરકારી સામે આવી હોય તેવું સ્‍થાનિક લોકો દ્વારા જાણવા મળ્‍યું છે. ત્‍યારે આ ઘટના બાબતે તાત્‍કાલિક ધોરણે તટસ્‍થ તપાસ કરવામાં આવે અને તેની અંદર જે કોઈની બેદરકારી હોય તેવા જવાબદાર વ્‍યક્‍તિની સામે એફ,આઇ,આર, કરવામાં આવે અને તાત્‍કાલિક પગલાં લેવામાં આવે.
આમ આદમી પાર્ટી દ્વારા આ માંગ સાથે હળવદના મામલતદાર અને પોલીસ ઇન્‍સ્‍પેક્‍ટરને આમ આદમી પાર્ટીએ આવેદનપત્ર આપવામાં આવ્‍યું છે.