Gujarati News

વંથલી :હાલ  સમગ્ર વંથલી તાલુકામાં કોરોના મહામારીએ હાહાકાર મચાવ્યો છે ત્યારે વંથલી વેપારી એસોસીએશન તેમજ વંથલી નગરપાલિકા દ્વારા તારીખ ૨૨થી તારીખ ૨૫ સુધી સ્વયંભૂ સંપૂર્ણ લોકડાઉન રહેશે મેડિકલ સ્ટોર સિવાય જેમાં તમામ દુકાનો ચાર દિવસ સુધી સંપૂર્ણ બંધ રહેશે. શાકભાજીની લારીઓ  સવારે ૮:૦૦ થી ૧૧:૦૦ વાગ્યા સુધી હરી ફરી વ્યવસાય કરી શકશે માત્ર એક જ જગ્યાએ ઉભી શકશે નહીં. દૂધના કાઉન્ટરો સવારે ૭:૦૦ થી ૯:૦૦ તથા સાંજે ૬:૦૦ થી ૮:૦૦ ખુલ્લા રાખી વ્યવસાય કરી શકશે. તમામ મેડિકલ સ્ટોર ખુલ્લા રહેશે. લોકો અતિ અગત્યના કામકાજ વગર પોતાના ઘરની બહાર નીકળશે તો દંડ પાત્ર ગુનો ગણાશે તેમજ પોલીસ દ્વારા તેમના પર કાયદેસરની કાર્યવાહી કરવામાં આવશે...