Gujarati News

મોરબી જીલ્લાના ૪૬ શ્રદ્ધાળુઓ સહિતના ૪૭ લોકો ઉત્તરાખંડમાં ભારે વરસાદને પગલે ફસાયા હોય ત્યારે રસ્તો ખુલી જતા તમામ શ્રદ્ધાળુઓ બસ સાથે સલામત સ્થળે જવા રવાના થયાની માહિતી પ્રાપ્ત થઇ છે
મોરબી તાલુકાના ૪૨ અને ટંકારા તાલુકાના ૦૪ એમ ૪૬ શ્રદ્ધાળુઓ અને ડ્રાઈવર મળીને કુલ ૪૭ શ્રદ્ધાળુઓ ઉત્તરાખંડમાં ફસાયા હતા જેને પગલે મોરબીનું વહીવટી તંત્ર અને રાજ્યના મંત્રી બ્રિજેશભાઈ મેરજા તેમજ સરકાર એલર્ટ બની હતી અને ફસાયેલા શ્રદ્ધાળુઓ અંગે સતત ફોલોઅપ લેવામાં આવી રહ્યું હતું
જેમાં મોરબી જીલ્લાના ૪૬ શ્રદ્ધાળુઓ જે જોશી મઢ નજીક પાગલ નાળા પાસે બસ સાથે ફસાયા હતા તેઓ રસ્તો ખુલી જતા સલામત સ્થળે જવા રવાના થયા છે બાળકો, મહિલાઓ સહિતના તમામ શ્રદ્ધાળુઓ સલામત છે અને રસ્તો ખુલી જતા કલાકો બાદ બસ સાથે સલામત સ્થળે જવા રવાના થયા છે ગઈકાલે ૧૦ વાગ્યાથી શ્રદ્ધાળુઓ ફસાયા હતા જે કલાકો બાદ આખરે અહીંથી નીકળવામાં સફળ થતા રાહત અનુભવી છે.