Gujarati News

રાજકોટ, તા., ૨૦: રાજકોટ સહીત સૌરાષ્ટ્ર-કચ્છમાં ધીમે-ધીમે ઠંડીમાં વધારો થઇ રહયો છે અને શિયાળાનો માહોલ જામતો જાય છે.

આજે કચ્છના નલીયામાં ૧૦.૪ ડીગ્રી, રાજકોટમાં ૧૩ ડીગ્રી લઘુતમ તાપાન નોંધાયું છે.

ઠંડા પવનના સુસવાટાના કારણે ઠંડીમાં વધારો અનુભવાયો છે. મોડી રાત્રીના અને વહેલી સવારના સમયે ઠંડકની અસર અનુભવાય છે.

રાજકોટ સહીત સૌરાષ્ટ્ર-કચ્છમાં સુર્ય નારાયણના દર્શન થતાની સાથે જ હુંફાળુ વાતાવરણ છવાઇ જાય છે.

આ વર્ષે રેકોર્ડ બ્રેક વરસાદની સાથે ઠંડી પણ રોકર્ડ તોડે તેવી પડવાની શકયતાઓ અગાઉ વ્યકત થઇ છે ત્યારે તેની અસર અત્યારથી થવા લાગી છે. રાત્રીના તાપમાનમાં નોંધપાત્ર ઘટાડા સાથે કારતક માસમાં જ કચ્છમાં કોલ્ડવેવ ફરી વળેલ છે અને આજે સૌરાષ્ટ્રના સૌથી ઠંડા રાજકોટમાં ૧૩.૬ સે. તાપમાને લોકોએ તીવ્ર ઠંડીનો અનુભવ કર્યો હતો અને રાત્રે અને સવારે લોકો ગરમ વસ્ત્રોમાં લપેટાયેલા નજરે પડયા હતા. જનજીવન પર ઠંડીની અસર હવે વર્તાઇ રહી છે.