Gujarati News

Gujarati News

News of Saturday, 21st November 2020

નાગેશ્રી ટોલ પ્લાઝા મુદ્દે ધારાસભ્ય ડેરની રજુઆત

(શિવકુમાર રાજગોર દ્વારા) રાજુલા,તા. ૨૧: ભાવનગર સોમનાથ નેશનલ હાઇવે નું હજુ ફોરલેન કામગીરી સંપૂર્ણ પૂર્ણ પણ નથી થઈ તેમજ બીજી તરફ જૂનો નેશનલ હાઇવે અતિ બિસ્માર હાલતમાં છે એવી પરિસ્થિતિમાં આ નેશનલ હાઇવે પર નાગેશ્રી નજીક ટોલ પ્લાઝા પર ટોલ ઉઘરાવવાનું ચાલુ કરવામાં આવતા સરકાર અને નેશનલ હાઇવે નાં અધિકારીઓ સામે લોકરોષ જોવા મળી રહ્યો છે ત્યારે રાજુલાનાં યુવા ધારાસભ્ય અંબરીશભાઈ ડેર દ્વારા નેશનલ હાઇવે ઓથોરિટી ઓફ ઇન્ડિયાની રિજીઓનલ ઓફિસ ગાંધીનગર ખાતે ચીફ જનરલ મેનેજરને પત્ર પાઠવતા રજૂઆત કરી હતી કે ભાવનગર-સોમનાથ-દ્વારકા સુધીના રસ્તાને ફોર અને સીકસલેન બનાવવાની કામગીરી ચાલી રહી છે. આ રસ્તા ઉપર જાફરાબાદ તાલુકાના નાગેશ્રી ગામથી બે કિ.મી. દૂરના અંતરે ટોલ બુથ મુકીને કલેકશન શરૂ કરી દેવામાં આવેલ છે. જેના કારણે નાગેશ્રી અને તેની આજુબાજુના સ્થાનિક લોકોને તેમની રોજબરોજની યાતાયત માટે પણ ટોલ ફી વસુલાત કરવામાં આવે છે.

સદરહું નેશનલ હાઈવેના સર્વિસ રોડ કે વૈકલ્પિક રોડની સુવિધા ઉપલબ્ધ ન હોવાનાં કારણે સ્થાનિકો માટે આ નેશનલ હાઈવે સિવાયનો કોઈ અન્ય વિકલ્પ ઉપલબ્ધ નથી . તેવા સંજોગોમાં રાષ્ટ્રીય ધોરીમાર્ગો ફી (દર નિર્ધાર અને ઉદ્યરાવવા) નાં નિયમો ૨૦૦૮ ના નિયમ -૩ ના પેટા નિયમ ૪ તથા તેના પેટા ખંડ ( એ ) અને ( બી ) થી ઠરાવેલ જોગવાઈઓનું સ્પષ્ટ ઉલ્લંદ્યન થાય છે . તેમજ સદરહું નિયમોનાં નિયમ -૮ ના પેટા ખંડ ૧ અને ૨ ની જોગવાઈઓ નિગાહે લઈને સદરહું નેશનલ હાઈવે પર ટોલ કલેકશન માટેની સંબંધિત એજન્સી દ્વારા શોષણ કરવામાં આવે છે.

(1:01 pm IST)
  • મુંબઈમાં ' કરાંચી સ્વીટ્સ ' નું નામ બદલવા શિવસેનાની માંગણી અંગે ભાજપ અગ્રણી દેવેન્દ્ર ફડણવીસનું મંતવ્ય : અમે ' અખંડ ભારત ' નું સ્વપ્ન સાકાર કરવા માંગીએ છીએ : એક દિવસ એવો આવશે કે કરાંચી પણ ભારતમાં હશે : લવ જેહાદ વિરુદ્ધ કાયદો પસાર કરવાની જવાબદારી સરકારની access_time 12:00 pm IST

  • એક લેબ્રાડોર ડોગ, અને બે માલીક, હવે પોલીસ કરાવશે શ્વાનનો DNA ટેસ્ટ : હોશંગાબાદમાં એક લેબ્રા ડોગ પર બે લોકોએ માલિકી હક્ક બતાવ્યો :મામલો વધુ બિચકાતા પોલીસ મથકે પહોંચ્યો : બંને પક્ષોએ પોતાની તરફેણમાં કેટલાક દસ્તાવેજો પણ રજૂ કરતા પોલીસ પણ ચકરાવે ચડી : હવે પોલીસ કરાવશે શ્વાનનો DNA ટેસ્ટ access_time 12:52 am IST

  • કોરોના મહામારી કરતા પણ ભારતમાં ધાર્મિક કટ્ટરતા અને ઉગ્ર રાષ્ટ્રવાદ વધુ ખતરનાક છે : કોંગી અગ્રણી શશી થરૂરના પુસ્તક ' ધ બેટલ ઓફ બીલોગિંગ ' ના લોન્ચિંગ પ્રસંગે પૂર્વ ઉપરાષ્ટ્રપતિ હમીદ અંસારીનું વિવાદાસ્પદ વિધાન : આ અગાઉ દેશમાં મુસ્લિમો અસુરક્ષિત હોવાનું બયાન કર્યું હતું : આંતર રાષ્ટ્રીય યોગ દિવસના કાર્યક્રમમાં પણ ભાગ લીધો નહોતો access_time 12:14 pm IST