Gujarati News

ભુજઃ આગાહી વચ્ચે કચ્છમાં ગાજવીજ સાથે કયાંક ધીમો તો કયાંક જોરદાર વરસ્યો હતો જે તસ્વીરમાં નજરે પડે છે. (તસ્વીરઃ વિનોદ ગાલા-ભુજ)

રાજકોટ, તા. ર૧ : રાજકોટ સહિત સૌરાષ્ટ્ર-કચ્છમાં મિશ્ર વાતાવરણ વચ્ચે આજે કચ્છના લખપતમાં મેઘરાજા મહેર બાન થયા છે અને પોણા ચાર ઇંચ વરસાદ પડયો છે.

જયારે ભુજ-નખત્રાણા-અંજારમાં અઢી ઇંચ વરસાદ પડયો છે.

આ ઉપરાંત રાજકોટ સહિત સૌરાષ્ટ્ર-કચ્છના ૧૭ તાલુકાઓમાં હળવા-ભારે ઝાપટા યથાવત છે.

અમરેલી જીલ્લાના ધારી, બાબરા, લાઠી, બોટાદ, કલ્યાણપુર, ભાણવડ, કાલાવડ, ધ્રોલ, કેશોદ, જુનાગઢ, મેંદરડા, માંગરોળ, માળીયાહાટીના, વંથલી, વિસાવદર, કચ્છના માંડવી તથા મુંદ્રામાં હળવા ભારે ઝાપટા પડયા છે.