Gujarati News

Gujarati News

News of Saturday, 21st November 2020

દ્વારકામાં દિવાળી તહેવારોમાં ભાવિકોની ભીડ : કોરોના મહામારીથી બચાવવા પ્રાર્થના

દ્વારકા : દ્વારકામાં દિવાળીના વેકેશનમાં ગુજરાત - સૌરાષ્ટ્ર અને મહારાષ્ટ્રના યાત્રિકો - પ્રવાસીઓનો ટ્રાફિક ધમધમાટ રહ્યો હતો. ભાઇબીજથી લાભપાંચમના દિવસોમાં લાખો યાત્રિકો દ્વારકા આવ્યા હતા. લોકડાઉન બાદ વેપાર ધંધાર્થી તથા ટુર ટ્રાવેર્લ્સ અને લેબર વર્ગને આર્થિક રીતે લાભ થયો છે. નગરના સુદામા સેતુ, ગાયત્રી બીચ, ભડકેશ્વર બીચ, સનસેટ પોઇન્ટ સહિતના સ્થળો ઉપર ફરીથી રોનક જોવા મળી છે. દ્વારકાધીશ મંદિરમાં પણ ભારે ભીડ વચ્ચે યાત્રિકોએ કોરોનાની મહામારીથી બચવા માટે ઠાકોરજીને ભાવ પ્રગટ કર્યો હતો. એક સાથે પ્રવાસીઓની ભારે ભીડના કારણે રેસ્ટોરન્ટ તથા લારી-ગલ્લા ઉપર તથા નાસ્તાગૃહો તથા ભોજન માટે ભારે ભીડ જોવા મળી હતી.

(11:40 am IST)