Gujarati News

Gujarati News

News of Friday, 22nd January 2021

ચોટીલા વિસ્તારમાંથી મળેલ મૃત બગલાઓના સેમ્પલ પુના મોકલાયા

ગામ લોકોને ખોટો ભય ન રાખવા વન વિભાગનો અનુરોધ

વઢવાણ તા. રરઃ સુરેન્દ્રનગર નાયબ વન સંરક્ષકશ્રીની અખબારી યાદીમાં જણાવ્યા પ્રમાણે ગઇકાલે ચોટીલાના ગાંધીબાગ વિસ્તારમાં બગલાઓ મૃત હાલતમાં પડેલ છે, તેવી વન વિભાગને જાણ થતા વન વિભાગના કર્મચારીઓએ ઘટના સ્થળ પર પહોંચી મૃત બગલાઓનો કબજો મેળવી પશુપાલન વિભાગના ડોકટર પાસે આ મૃત બગલાઓનું પોસ્ટમોર્ટમ કરાવેલ છે.

વધુમાં ગઇકાલે આ સ્થળે કુલ ચાર બગલાઓના મૃતદેહ મળી આવેલ હતા અને આજે આજ સ્થળે એક બગલાનું મૃત્યુ થયેલ છે. આમ, સમગ્ર ઘટનામાં કુલ પાંચ બગલાના મૃત્યુ થયેલ છે હાલમાં બર્ડફલુની પરિસ્થિતિને ધ્યાને લઇ જરૂરી સેમ્પલ પુના ખાતે મોકલી દેવામાં આવ્યા છે. પુનાથી આ અંગેનો વિગતવાર રીપોર્ટ મળ્યેથી વધુ જાણકારી મળી શકે તેમ છે. ઉપરાંત હાલમાં પી.એમ. રીપોર્ટ પરથી બગલાના મૃત્યુનું કારણ ફુડ પોઇઝનીંગ હોય તેવું પ્રાથમિક તારણ જણાય છે તેમજ ગામ લોકોન ખોટો ભય ન રાખવા વન વિભાગ દ્વારા અનુરોધ કરાયો છે.

(11:32 am IST)
  • રાજસ્થાનના દોઢ ડઝન જિલ્લામાં બર્ડ ફ્લુનો પગપેસારો: રાજસ્થાનના ૧૭ જિલ્લામાં બર્ડ ફ્લુનો પગપેસારો: સત્તાવાર જાહેરાત: રાજસ્થાનમાં અત્યાર સુધીમાં ૧૮૧ પક્ષીઓ મૃત્યુ પામેલ મળી આવ્યા છે. access_time 12:16 am IST

  • ગુજરાતમાં પણ ઝડપભેર લવ જેહાદ વિરુદ્ધ કાયદો આવી રહ્યો છે : ગુજરાત સરકાર નજીકના ભવિષ્યમાં લવ જીહાદ વિરુદ્ધ નવો કાનૂન લાવી રહી છે કોંગ્રેસ પક્ષની આંતરિક ચૂંટણીઓ મે મહિનામાં યોજાય તેવી સંભાવના છે આજે કોંગ્રેસની કારોબારી બેઠક મળી રહી છે access_time 11:44 am IST

  • પંજાબના બે પોલ્ટ્રી ફાર્મમાં બર્ડ ફ્લૂની પુષ્ટિ : 50 હજાર મરઘીઓને મારી નાખવાનું અભિયાન આજ 22 જાન્યુઆરીથી શરૂ : પી.પી.ઈ.કીટ પહેરી જુદી જુદી ટીમો કામગીરી શરૂ કરી દેશે access_time 12:40 pm IST