Gujarati News

વાંકાનેરઃ શ્રી સ્‍વામિનારાયણ મંદિર વડતાલધામ સંચાલિત સુપ્રસિદ્ધ શ્રી કષ્‍ટભંજનદેવ હનુમાનજી મંદિર સાળંગપુરધામ ખાતે શનિવાર નિમિત્તે તા. ૨૨-૧-૨૦૨૨ના રોજ પ.પૂ. શાસ્‍ત્રી સ્‍વામી શ્રી હરિપ્રકાશદાસજી-અથાણાવાળાની પ્રેરણાથી એવં કોઠારી શ્રી વિવેકસાગરદાસ સ્‍વામીના માર્ગદર્શનથી શ્રી કષ્‍ટભંજનદેવને દિવ્‍ય વાઘા ધરાવી મંગળા આરતી કોઠારી શ્રી વિવેકસાગરદાસ સ્‍વામી દ્વારા તેમજ દિવ્‍ય શણગાર કરી આરતી પ.પૂ. શાસ્‍ત્રી સ્‍વામી હરિપ્રકાશદાસજી-અથાણાવાળા દ્વારા કરવામાં આવેલ. દાદાના શણગારની સાથે નવનિર્માણ પામનાર નૂતન ભોજનાલયની ઝાંખી કરાવવામાં આવેલ. બાંધકામમાં વપરાતી તમામ પ્રકારની સામગ્રીઓ દર્શાવવામાં આવેલ. દાદાના શણગાર-આરતી-દર્શનનો અમૂલ્‍ય લ્‍હાવો હજારો ભકતોએ ઘેરબેઠા ઓનલાઈન યુ-ટયુબ ચેનલ દ્વારા લઈ ધન્‍યતાનો અનુભવ કર્યો છે.