Gujarati News

(હેમલ શાહ દ્વારા) ચોટીલા, તા.૨૨: ચોટીલાના કાળાસર ગામે વાડીના સહીયારા કુવા માંથી પાણી વાળવા સાબળીયા પરીવારના જ એક જુથે બીજા જુથ સાથે ઝગડો કરી પાઇપ, ધોકા વડે હુમલો કરતા મહિલા સહિતનાને નાની મોટી ઇજા પહોંચ્‍યાનો બનાવ બનેલ છે.

પ્રાપ્ત માહિતી મુજબ ફરીયાદી મહિલા ગીતાબેન લાખા ભાઇ એ જણાવેલ છે કે પરીવારના ભાયુના સહિયારા કૂવા માંથી વાડીમા વાવેતરમાં અમારો પાણીનો વારો હતો તેમ છતા બે અઠવાડીયા થી મોટા સસરાના પરીવારજનો તેમજ અન્‍ય ભાઇઓ અમને પાણી પાવાﾠ વારો આપતા નહી, બે દિવસથી વિખવાદ કુટુંબ મા ચાલતો હતો ગુરૂવારનાંﾠ ﾠલધાભાઇ, ગોવાભાઇ, લાલાભાઇ સહિતના ફરીના પતિ લાખા ભાઇ સાથે બોલાચાલી કરતા હતા અને જેમ ફાવે તેમ ગાળો બોલતા હતા ગાળો બોલવાની ના પાડતા ફરીયાદી ને માથામા લોખંડનો પાઇપ મારતા માથાના ભાગે ઇજા પોહચેલ તેમજ તેમના પુત્ર, પતિ સહિતનાને નાની મોટી ઇજા પહોંચાડી છે.

ચોટીલા પોલીસે મહિલાની ફરીયાદ નોંધી આરોપીને પકડવા તજવીજ હાથ ધરેલ છે.