Gujarati News

Gujarati News

News of Saturday, 23rd January 2021

માતાને લાફા મારી પિતાની હત્યા કરનાર જુથળના ગોવિંદની ધરપકડ

પોલીસ ફરિયાદના મનદુઃખથી લોહી રેડાયુ

(વિનુ જોશી) જુનાગઢ તા.ર૩ : માળીયા હાટીનાના જુથળ ગામે માતાને લાફા મારી પિતાની હત્યા કરનાર પુત્ર ગોવિંદની પોલીસે રાત્રે ધરપકડ કરી વિશેષ તપાસ હાથ ધરી છે.

માળીયા હાટીના તાલુકાનાં જુથળ ગામે રહેતા મેરામણભાઇ જીવાભાઇ કાથડ (ઉ.વ.પ૦)એ પોતાના સગા પુત્ર ગોવિંદ (ઉ.વ.ર૦) સામે પોલીસ ફરિયાદ કરેલ જેનું પોલીસ સ્મન્સ બજાવ્યુ હતુ.

આ બાબતનાં મનદુઃખથી તા.ર૧ની રાત્રે બાપ - દિકરો ઉગ્ર ઝઘડો થયોહતો. આથી મેરામણભાઇ પત્ની વિજયાબેને બંનેને સાજવાનો પ્રયાસ કરેલ.

પરંતુ પુત્ર ગોવિંદે ઉશ્કેરાઇ જઇને માતા વિજયાબેનને ઝાપટ ઝીકી દઇ પિતા મેરામણભાઇને પછાડી તેની બંડીમાંથી છરી કાઢીને છાતીમાં ઘા ઝી઼કી દીધો હતો જેનાથી મેરામણભાઇ ઢળી પડયા હતા.

આ બનાવમાં પી.એસ.આઇ. રાઠોડ ત્વરિત ગોવિંદની અટકાયત કરી લીધી હતી. જો કે કોરોનાનો રિપોર્ટ નેગેટીવ આવતા રાત્રે તેની વિધિવત ધરપકડ કરવામાં આવી હતી.

(12:58 pm IST)
  • મે મહિનામાં યોજાશે કોગ્રેસ અધ્યક્ષની ચૂંટણી : સીડબલ્યુસીની બેઠકમાં લેવાયો નિર્ણય access_time 12:14 pm IST

  • દેશમાં કોરોના થાક્યો:નવા કેસ કરતા સ્વસ્થ થનારની સંખ્યામાં વધારો : એક્ટિવ કેસના આંકમાં સતત ઘટાડો : રાત્રે 11-30 વાગ્યા સુધીમાં કોરોનાના નવા 14,246 કેસ નોંધાયા :કુલ કેસની સંખ્યા 1,06,40,669 થઇ :એક્ટિવ કેસ 1,82,891 થયા: વધુ 17,034 દર્દીઓ સ્વસ્થ થતા કુલ 1,02,99,931 થયા :વધુ 151 લોકોના મોત સાથે કુલ મૃત્યુઆંક 1,53,218 થયા access_time 1:07 am IST

  • અમદાવાદમાં પણ સવારે ધુમ્મસભર્યું વાતાવરણઃ અમદાવાદ-વડોદરા એકસપ્રેસ હાઇવે ઉપર વાહન ચાલકોને લાઇટો ચાલુ રાખવાની ફરજ પડી : રાજકોટઃ સૌરાષ્ટ્ર સહિત ગુજરાતભરમાં છેલ્લા બે-ત્રણ દિવસથી સવારે ઝાળકવર્ષા જોવા મળે છે. દરમિયાન આવે વ્હેલી સવારે અમદાવાદમાં ગાઢ ધુમ્મસ જોવા મળેલ તો અમદાવાદ એકસપ્રેસ હાઇવે ઉપર ધુમ્મસના પગલે વાહનચાલકોને ભારે પરેશાનીનો સામનો કરવો પડયો હતો. લાઇટો ચાલુ રાખી ધીમી સ્પીડે કાર ચાલકો વાહન ચલાવતા જોવા મળ્યા હતા. access_time 11:33 am IST