Gujarati News

(પ્રવિણ વ્યાસ દ્વારા) મોરબી તા ૨૩:  મોરબીના ચાચાપર ગામની સીમમાં વોકળા કાંઠેથી યુવાનનો હત્યા કરાયેલ મૃતદેહ મળી આવ્યા બાદ પોલીસે તપાસ કરી હત્યા કરનાર ભાઇને ઝડપી લીધો હતો.

મળતી વિગતો મુજબ ચાચાપર ગામની સીમમાં મૃતદેહ મળી આવો હતો જે મૃતક રાજન અશોક મિશ્રા રહે મૂળ બિહાર હાલ થોરાળા ગામના પાટિયા વાળાનો હોવાની ઓળખ થઇ હતી અને મૃતક સાથે વૈભવ પોલીવેવ કારખાનામાં કામ કરતા રાજેશ પાંડે નામના યુવાને ફરિયાદ નોંધાવી હતી કે મૃતક રાજન મિશ્રા તેના માતા પિતા અને ઘરના સભ્યોને હેરાન કરતો હતો અને માતા સાથે ખરાબ વર્તન કરવાની કોશિશ કરતો હોય જેથી તેના ભાઈ આનંદ મિશ્રા કંટાળી ગયા હોવાથી રાજનની હત્યા કરી હોવાની ફરિયાદ નોંધાવી હતી જે ફરિયાદ નોંધી વધુ તપાસ મોરબી તાલુકા પોલીસ અને એલસીબી ટીમે હાથ ધરી હતી જેમાં હત્યા કરી ફરાર થયેલ મૃતકનો ભાઈ આરોપી આનંદ અશોક મિશ્રા (ઉ.વ.૨૬) રહે થોરાળા ગામના પાટિયા પાસે વૈભવ પોલીવેવ કારખાના વાળાને ઝડપી લીધો હતો અને પૂછપરછ કરતા ગુનાની કબુલાત આપી હતી જેથી મોરબી એલસીબી ટીમે આરોપીની ધરપકડ કરી વધુ તપાસ હાથ ધરી છે

આ કામગીરીમાં એલસીબી પીઆઈ ડી એમ ઢોલ, તાલુકા પીઆઈ કે એ વાળા, પીએસઆઈ કે જે ચૌહાણ, એન એચ ચુડાસમા, એ ડી જાડેજા, એલસીબી, પેરોલ ફર્લો સ્કવોડ અને મોરબી તાલુકા પોલીસ ટીમ જોડાયેલ હતી