Gujarati News

Gujarati News

News of Monday, 23rd November 2020

ઠંડી સાથે જ કચ્છમાં કોરોના વિસ્ફોટ : નવા ૩૧ કેસ સાથે એકિટવ દર્દીઓમાં ઉછાળો

તંત્ર કોવિડ ગાઇડ લાઇનનું પાલન કરાવવા મેદાને, પોલીસે કોવિડ જાગૃતિ રથ કર્યો શરૂ

(વિનોદ ગાલા દ્વારા) ભુજ તા. ૨૩ : કચ્છમાં ઠંડી વધતાં જ કોવિડના કેસ ફરી વધી રહ્યા છે. થોડા દિવસો સુધી સામાન્ય પરિસ્થિતિ રહ્યા પછી હવે સામટા ૩૧ નવા કેસ સાથે કુલ દર્દીઓ ૩૧૧૨ થયા છે. જયારે એકિટવ કેસમાં પણ ઉછાળો આવ્યો છે. સાજા થયેલા દર્દીઓની સંખ્યા વધીને ૨૭૧૩ થઈ છે. જોકે, મોતના આંકડા બાબતે હજીયે લુકાછૂપી ચાલુ છે. પરંતુ, રાજયની સાથે કચ્છમાં કેસ વધ્યા તે સાથે તંત્ર હરકતમાં આવ્યું છે. વાહનચાલકો, હોટલો નિયમ પાલન કરે તે માટે ચેકીંગ વધારાયું છે.

તો, બોર્ડર રેન્જ આઈજી શ્રી મોથાલિયા દ્વારા કચ્છમાં કોવિડ જાગૃતિ રથ શરૂ કરાયો છે. જેના માધ્યમથી પોલીસ દ્વારા લોકોમાં માસ્ક પહેરવા, સોશ્યલ ડિસ્ટન્સ જાળવવા સમજાવાય છે.

(11:09 am IST)
  • કોરોના વાઇરસને ફેલાતો અટકાવવા તમે શું પગલાં લીધા ? : દિલ્હી ,આસામ, મહારાષ્ટ્ર તથા ગુજરાત સરકાર પાસે સુપ્રીમ કોર્ટે સ્ટેટ્સ રિપોર્ટ માંગ્યો access_time 12:03 pm IST

  • અમદાવાદમાં માસ્ક વગર ફરતાં ૨૫૬ લોકોના કોરોના ટેસ્ટ કરાયાઃ ૯ ને પોઝીટીવ : અમદાવાદ શહેરમાં આજે સવારથી કર્ફયુ ખુલતાની સાથે જ લોકો રસ્તાઓ ઉપર નિકળી પડયા હતાઃ અમદાવાદ મ્યુનિસીપલ કોર્પોરેશન દ્વારા આજે ૨૫૬ લોકોના ટેસ્ટ કરવામાં આવ્યાઃ જેમાં ૯ લોકો કોરોના પોઝીટીવ આવ્યા હતાઃ જેમાંથી ૬ લોકોને હોસ્પિટલમાં દાખલ કરવામાં આવ્યાઃ નેગેટીવ આવેલા લોકોને એક- એક હજારનો દંડ ફટકારવામાં આવ્યો access_time 4:18 pm IST

  • હવે કોરોનાથી ફેફસાને નહિ થાય નુકશાન : ભારતીય મૂળના ડોકટરે શોધ્યો કોરોના વાયરસનો ઈલાજ : ભારતમાં જન્મી અને ટેનેસીની સેન્ટ જ્યુડ ચિલ્ડ્રન રિસર્ચ હોસ્પિટલમાં કાર્યરત ડો, તિરુમલા દેવી કનનેગતિએ આ સબંધિત એક અભ્યાસ જર્નલ સેલ ઓનલાઇન સંસ્કરણમાં પ્રકાશિત કર્યો : તેણીએ ઉંદર પર સંશોધનમાં જાણ્યું કે કોરોના થવા પર કોશિકાઓમાં સોજાને કારણે અંગોને બેકાર થવાનો સબંધ હાઇપરઇન્ફ્લેમેટરી પ્રતિરોધ છે જેનાથી મોત થાય છે access_time 11:50 pm IST