Gujarati News

Gujarati News

News of Monday, 23rd November 2020

જુનાગઢ યાર્ડની નવા વર્ષની પ્રથમ મીટીંગમાં ખેડૂત અકસ્માત મૃત્યુ સહાયમાં વધારાની જાહેરાત

જુનાગઢ તા. ર૩: લાભ પાંચમના પવિત્ર દિવસે માર્કેટીંગ યાર્ડના ચેરમેન કિરીટભાઇ પટેલના અધ્યક્ષ સ્થાને વાઇસ ચેરમેન હરેશભાઇ ગજેરા અને તમામ સદસ્યશ્રીઓની હાજરીમાં યોજાયેલ સ્નેહમિલન સમારંભમાં ચેરમેન એ જણાવેલ કે ખેડૂતો માર્કેટીંગ યાર્ડમાં પોતાની જણસીના મહત્તમ ભાવ લઇ શકે તે માટે શોર્ટેક્ષ મશીન વસાવવામાં આવશે. ચેરમેનશ્રીએ પહેલી મીટીંગમાં ખેડૂત અકસ્માત મૃત્યુ વિમા સહાયમાં રૂ. પ૦ હજારનો વધારો કરી રૂ. ૧.પ૦ લાખ જાહેર કરેલ. ખેડૂત લક્ષી શોર્ટેક્ષ મશીનની જાહેરાતથી ખેડુતો અને વેપારીઓમાં આનંદની લાગણી પ્રસરી છે.

સ્નેહમિલન સમારંભમાં ચેરમેન કિરીટભાઇ પટેલ એ.પી.એમ.સી. તથા વેપારી એસોશીયેશન દ્વારા વાઇસ ચેરમેન હરેશભાઇ ગજેરા એ વેપારી એસોશીયેશનના પ્રમુખ હિરાભાઇ તથા વેપારી મિત્રો દ્વારા ભાવભીનું સન્માન કરવામાં આવ્યું હતું.

વાઇસ ચેરમેન હરેશભાઇ ગજેરાએ વેપારી મિત્રોને શુભેચ્છા પાઠવેલ. ત્યારબાદ ચેરમેન કિરીટ પટેલએ શુભેચ્છા પાઠવી સન્માનના પ્રત્યુતરમાં ખેડૂતો અને વેપારી લક્ષી અનેકવિધ વિકાસશીલ વાતો કરી જણાવેલ કે ધરતીપુત્રોની સેવા માટેનું માધ્યમ છે આ સંસ્થા. આ સંસ્થામાં સેવા કરવાની તક મળી તે અમારા માટે ધન્ય છે.

(12:50 pm IST)
  • બિહાર રાજ્યની 17 મી ધારાસભાનું નવું સત્ર આજ 23 નવેમ્બરથી શરૂ : 27 નવેમ્બર સુધી ચાલનારા પાંચ દિવસીય સત્ર દરમિયાન ધારાસભ્યોનો શપથવિધિ યોજાશે : સ્પીકર જીતનરામ માંઝી શપથ લેવડાવશે : સેનિટાઇઝર, સોશિઅલ ડિસટન્સ, માસ્ક સહીત કોવિદ -19 નિયમોના પાલનની સજ્જડ વ્યવસ્થા : કુલ સંખ્યાના 43 ટકા એટલેકે 105 ધારાસભ્યો નવા ચૂંટાઈ આવ્યા હોવાથી પ્રથમવાર શપથ લેશે access_time 11:54 am IST

  • પીરપંજાલ પર્વત માળામાં ભારે હીમ વર્ષા : મુગલ રોડ બંધ : જમ્મુ કાશ્મીરના પીરપંજાલની ઉંચી પર્વતમાળા ઉપર ભારે હિમવર્ષા થઈ છે : ફરી જમ્મુનો મુગલ રોડ બંધ કરી દેવાયો છે access_time 11:31 am IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં વધારો :એક્ટિવ કેસમાં સતત ઘટાડો :રાત્રે 11 વાગ્યા સુધીમાં કોરોનાના નવા 34,564 કેસ નોંધાયા:કુલ કેસનો આંકડો 91,75,876 થયો :એક્ટીવ કેસ ઘટીને 4,37,778 થયા:વધુ 39,364 દર્દીઓ સ્વસ્થ થતા કુલ 86,00,808 રિકવર થયા :વધુ 440 લોકોના મોત સાથે કુલ મૃત્યુઆંક 1,34,213 થયો access_time 12:36 am IST