Gujarati News

વેરાવળ-પ્રભાસપાણટ,તા.૨૪: સોમનાથના સદભાવના ગ્રાઉન્ડ ખાતે રાષ્ટ્રીય પર્વ ૨૬મી જાન્યુઆરીની રાજયકક્ષાની ઉજવણી થનાર છે. આ માટે પૂર્વ તૈયારીઓના ભાગરૂપે પ્રજાસત્ત્।ાક દિવસના ધ્વજવંદનના કાર્યક્રમની રિહર્સલ યોજવામાં આવી હતી. જેમાં સુરક્ષા દળના જુદા- જુદા પ્લાટુન દ્વારા શિસ્તબદ્ઘ રીતે ૧૭૦૦ થી વધુ જવાનો દ્વારા પરેડ યોજવામાં આવી રહેલ છે.

આ રિહર્સલમાં જિલ્લા કલેકટર શ્રી રાજદેવ સિંહ ગોહિલે સદભાવના ગ્રાઉન્ડ ખાતે વ્યવસ્થાઓની સમીક્ષા કરી હતી. આ સાથે નિવાસી અધિક કલેકટર શ્રી બી.વી. લીંબાચીયા, જિલ્લા પોલીસ વડા શ્રી રાહુલ ત્રિપાઠી સહિત અધિકારીઓ સાથે યોગ્ય વ્યવસ્થા કરવા માટે ચર્ચા - વિચારણા કરી હતી. તેમજ કલેકટરશ્રીએ સબંધિત અધિકારીશ્રીઓને મંચ સુશોભન, બેઠક સહિતની વ્યવસ્થાઓ માટે જરૂરી સૂચનો સાથે માર્ગદર્શન આપ્યું હતું.

 ઉલ્લેખનીય છે કે, પ્રવર્તમાન કોવીડ-૧૯ પરિસ્થિતિને અનુલક્ષીને રાજય સરકારે પ્રજાસત્ત્।ાક દિવસની ઉજવણીના કાર્યક્રમો ટૂંકાવવાનું નકકી કર્યું છે.