Gujarati News

Gujarati News

News of Tuesday, 24th November 2020

ભોજવા ગામ પાસે ઇકો કારની ટક્કરે એકિટવા ચાલક શિક્ષિકાનું મોત

સ્કૂલ તરફ જઇ રહ્યા હતા : ઇકો ચાલક ભાગી છૂટ્યો

વઢવાણ તા. ૨૪ : વિરમગામ માંડલ હાઇ-વે ઉપર ભોજવા ગામ નજીક ઇકો ગાડીના ચાલકે પુરઝડપે હંકારી એકિટવાચાલક શિક્ષિકાને અડફેટે લેતાં ઘટના સ્થળે મોત નિપજયું હતું. અકસ્માત બાદ ઇકો ચાલક નાસી છૂટયો હતો જે અંગે પોલીસ ઘટના સ્થળે પહોંચી વધુ તપાસ હાથ ધરી હતી.

અલીગઢ વિસ્તારમાં રહેતા માસુમાબેન આસીફભાઈ કપાસી (ઉ.વ.- ૨૭) ત્રિપદા ગુરૂકુલ સ્કૂલમાં એકિટવા લઈને ફરજ ઉપર જઈ રહ્યા હતા ત્યારે ભોજવા પાસે ઇકોના ચાલકે આગળ જઈ રહેલા માસુમાબહેનના વાહનને ટક્કર મારતા માથાના ભાગે અને મોઢાના ભાગે ઈજાઓ થતાં ઘટના સ્થળે મોત નિપજાવી ઇકો ગાડીનો ચાલક નાસી છૂટયો હતો.આ બનાવની જાણ થતાં વિરમગામ ટાઉન પોલીસ ઘટનાસ્થળે આવી પહોંચી લાશનો કબજો લઈ પી.એમ.ની તજવીજ હાથ ધરી હતી.

(11:48 am IST)
  • રાજસ્થાનમાં વધુ ૧૯ મોત: નવા 3314 કેસ : રાજસ્થાનમાં વધુ 19 મોત સાથે કોવિદનો મૃત્યુઆંક વધીને 2200 ઉપર પહોંચ્યો છે. નવા 3,314 કોરોનાના કેસો નોંધાતા કુલ કોરોના કેસોનો આંક 2,50,482 પર પહોંચ્યો છે. access_time 9:54 pm IST

  • દેશમાં કોરોનાના કેસનો આંકડો 92 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 38,296 કેસ નોંધાયા:કુલ કેસનો આંકડો 92,16,049 થયો : એક્ટીવ કેસ 4,42,176 થયા: વધુ 33,487 દર્દીઓ સ્વસ્થ થતા કુલ 86,37,126 રિકવર થયા : વધુ 407 લોકોના મોત સાથે કુલ મૃત્યુઆંક 1,34,661 થયો access_time 12:00 am IST

  • અમદાવાદમાં બગીચાઓ સવારે ૭ થી ૯, સાંજે ૫ થી ૭ જ ખુલ્લા રહેશે : અમદાવાદ શહેરના ઉદ્યાનો અને બગીચાઓ આગામી ઓર્ડર સુધી સવારે 7 થી 9 અને સાંજે 5 થી 7 દરમિયાન જ જાહેર જનતા માટે ખુલ્લા રહેશે. access_time 9:52 pm IST