Gujarati News

(વિનોદ ગાલા દ્વારા)ભુજ,તા. ૨૫: ટ્રાન્સપોર્ટ કંપનીઓના લાખો રૂપિયાના માલની ઘાલમેલ કરવાના બનાવોએ ટ્રાન્સપોર્ટરોમાં ચિંતા સર્જી છે. જામનગરથી કચ્છના મુન્દ્રા મધ્યે પહોંચાડવાનો ૨૪ લાખ રૂપિયાનો ડીઝલનો જથ્થો અને ૨૦ લાખનું ટેન્કર સગેવગે કરવાનો બનાવ પોલીસ ચોપડે ચડ્યો છે.

અંજારની શિવમ લોજિસ્ટિક કંપનીના દીનેશગર જાદવગર ગુંસાઈએ તેમના ટેન્કર ન. જીજે ૧૨ બીવી ૯૩૬૬ માં જામનગરથી મુન્દ્રા માટે ૨૪ લાખ રૂ. નું ડીઝલ ભરી આવનાર ડ્રાઈવર અબ્દુલ રઝાક સાલેમામદ બકાલી (રહે.ભુજ) સામે ડીઝલનો જથ્થો સગેવગે કરવાની બદલ ફરિયાદ કરી છે.

ડીઝલ ભરેલું આ ટેન્કર અંજાર અને ભુજ વચ્ચે સાપેડા પાસે ડ્રાઈવરે ઉભુ રાખ્યું ત્યાંથી કોઈ ડીઝલ ભરેલું ટેન્કર કોઈ લઈ ગયું હોવાનું જણાવ્યું હતું. પોલીસે ફરિયાદ નોધી વધુ તપાસ હાથ ધરી છે.