Gujarati News

લાઠી વિધાનસભાના કોંગ્રેસના ઉમેદવાર અને ધારાસભ્ય વિરજીભાઈ ઠુંમર નો બાબરા તાલુકામાં ચૂંટણી પ્રચાર વેગવંતો જોવા મળી રહ્યો છે ગ્રામ્ય વિસ્તારોમાં આયોજિત જન સભામાં મોટી સંખ્યામાં લોકો ની ભીડ જોવા મળી રહી છે સમી સાંજે અને રાત્રી સમયમાં સ્વંયભુ લોકો જુવાળ ઉભો થઇ રહ્યો છે

  બાબરા તાલુકામાં મોટાદેવળીયા,ચમારડી,ચરખા,ઘૂઘરાળા,અને ચરખામાં લોકો દ્વારા કોંગ્રેસના ઉમેદવાર વિરજીભાઈ ઠુંમર નું ભવ્ય સ્વાગત કરવામાં આવ્યું હતું.

અહીં ગામના ચોકમાં આયોજિત જન સભાને સંબોધતા ધારાસભ્ય વિરજીભાઈ ઠુંમરે જણાવ્યું હતું કે ભાજપના શાસનમાં કારમી મોંઘવારીના કારણે લોકો મુશ્કેલીઓમાં મુકાયા છે તેમજ યુવાનો બેરોજગાર બન્યા છે ખેતી મોંઘી થતા ખેડૂતોની સ્થિતિ કફોડી બની છે.ખેડૂતોની આવક બમણી કરવાની વાતો કરતી સરકાર ખર્ચામાં વધારો કરી દેતા ખેડૂતોને ખેતી કરવા માટે અનેક મુશ્કેલીઓનો સામનો કરવાની ફરજ પડે છે.

 ત્યારે આગામી દિવસોમાં રાજ્યની જનતા કોંગ્રેસને સ્પષ્ટ જનાદેશ આપી સરકાર બનાવશે અને ભાજપના ક્રૂર શાસન ને જાકરો આપશે તે ચોક્કસ છે.તેમ ધારાસભ્ય વિરજીભાઈ ઠુંમરે જણાવ્યું હતું