Gujarati News

Gujarati News

News of Saturday, 27th February 2021

ટંકારા તાલુકા પંચાયતની ૧૫ સીટો માટે ભાજપ - કોંગ્રેસ વચ્ચે ભારે જંગ

(હર્ષદરાય કંસારા દ્વારા) ટંકારા તા. ૨૭ : ટંકારા તાલુકાની ૧૫ બેઠકો માટે આવતીકાલે મતદાન યોજાયેલ છે તેમાં ૧૫ સીટ માટે ભાજપ તથા કોંગ્રેસ વચ્ચે સીધો જંગ છે. ગત તાલુકા પંચાયત કોંગ્રેસની હતી. આ ચૂંટણીમાં આપ ના ઉમેદવારો ઘુનડા (ખાન),ટંકારા-૧, ટકારા- ૨ ,ટંકારા -૩ હરબટીયાળી , જબલપુર, નેકનામ સીટ ઉપર ચૂંટણી લડે છે . બસપા ના ઉમેદવારો ઘુનડા ( ખાન), હડમતીયા, ટંકારા -૧, નાના ખીજડીયા ઉપર ચૂંટણી લડે છે.

અપક્ષ ઉમેદવારો ટંકારા -૧, ટંકારા -૨, ટંકારા- ૩ તથા મીતાણા સીટ ઉપર ચૂંટણી લડે છે. ભાજપ અને કોંગ્રેસ વચ્ચે સીધો જંગ લજાઈ-૧, લજાઈ-૨ નસિતપર, ઓટાળા, વિરવાવ બેઠક ઉપર છે.

અપક્ષ ઉમેદવારોને પ્રજાનો કેવો ટેકો મળે છે તે જોવાનું રહે છે. અપક્ષ તથા બીજા પક્ષના ઉમેદવારો ભાજપ- કોંગ્રેસના વિજય માં ભાગ ભજવશે .

ભાજપે સાવડી બેઠક ઉપર બિન હરીફ વિજય મેળવી ભાજપની તાલુકા પંચાયત રચવાના શ્રી ગણેશ કરેલ છે.

જીલ્લા પંચાયત સીટ ૧૦ લજાઈ કુલ મતદારો ૨૧,૪૪૫ , તથા૧૫ -ઓટાડા સીટમાં કુલ મતદારો ૨૧૬૦૩ તથા ૨૧ ટંકારા સીટમાં ૨૫૭૦૯ મતદારો છે.

ટંકારા સીટમાં ભાજપના એડવોકેટ સંજયભાઈ ભાગ્યા અને સામે ટંકારા તાલુકા ભુપેન્દ્રભાઈ ગોધાણી કોંગ્રેસ માથી ચૂંટણી લડે છે .બંને વચ્ચે સામસામે જોરદાર ટક્કર થશે .

ઉમેદવારોનું ભાવિ આવતીકાલે સાંજ સુધીમાં મતદાન પેટીમાં પુરાશે.

(12:49 pm IST)
  • દેશમાં કોરોનાના સતત વધતા કેસથી ચિંતા :એક્ટિવ કેસની સંખ્યામાં પણ વધારો : મૃત્યુઆંક 1.57 લાખને પાર પહોંચ્યો : રાત્રે 11 વાગ્યા સુધીમાં કોરોનાના નવા 16, 803 કેસ નોંધાયા :કુલ કેસની સંખ્યા 1,10,96,440 થઇ :એક્ટિવ કેસ 1,61,506 થયા: વધુ 11,707 દર્દીઓ સ્વસ્થ થતા કુલ 1,07,73,275 થયા :વધુ 112 લોકોના મોત સાથે કુલ મૃત્યુઆંક 1,57,087 થયા access_time 1:16 am IST

  • સવારે ૪ાા વાગે સુરત નજીક હળવો ભૂકંપ : વહેલી સવારે ૪.૩૫ વાગ્યે સુરત પાસે ૩.૧ની તીવ્રતાનો હળવો ભૂકંપનો આંચકો અનુભવાયો છે. ભૂકંપનું કેન્દ્ર બિંદુ સુરતથી ત્રીસેક કિ.મી. દૂર નોંધાયું હતું. હળવો ભૂકંપ હોય કેન્દ્ર બિંદુ આસપાસના વિસ્તારો સિવાય ખાસ અસર જોવા મળી ન હોવાનું ચર્ચાય છે. access_time 12:44 pm IST

  • કોરોનાનો કહેર વધતા આંતરરાષ્ટ્રીય યાત્રી ઉડાનો પર 31મી માર્ચ સુધી પ્રતિબંધ લંબાવાયો : DGCAએ ભારત આવનારી અને અહીંથી જનાર વાણિજ્યીક આંતરરાષ્ટ્રીય ઉદયન પર પ્રતિબંધ 31 માર્ચ સુધી વધારી દીધો access_time 12:48 am IST