Gujarati News

(મેઘના વિપુલ હિરાણી દ્વારા) ભાવનગર, તા. ૨૭ : સરકાર દ્વારા ચણા પકવતા ખેડૂતોને પોષણક્ષમ ભાવ મળી રહે તે માટે ટેકાના ભાવે રાજયભરમાં ખરીદી શરૂ કરાઈ છે. પરંતુ તળાજાના ખેડૂતોને એસએમએસ ન મળતા ખેડૂતો ચણા વેચી શકયા નથી. જેથી ખેડૂતોએ આર્થિક નુકશાન વેઠવુ પડે તેવી પરિસ્‍થિતિ સર્જાઈ છે.
જેથી ધારાસભ્‍ય કનુભાઈ બારૈયાએ રાજય કૃષિમંત્રીને રૂબરૂ મુલાકાત કરી ખેડૂતોની સ્‍થિતિનો ચિતાર આપ્‍યો હતો. ઉપરાંત જેઓને એસએમએસ મળ્‍યા ન હોય તેવા ખેડૂતોને મેસેજ કરી બોલાવી ચણાની ખરીદી કરવા અંગેની રજૂઆત કરી હતી.
આ ઉપરાંત માર્ગમંત્રી પૂર્ણેશ મોદીની રૂબરૂ મુલાકાત લઈ દાઠા ગામ સહિતના દસેક ગામોને તાલુકા મથક સાથે જોડતો ધરાશાયી પુલ ફરી નિર્માણ કરવા અંગેની રજૂઆત કરી હતી. જેથી બગડ નદીમાં ચોમાસા દરમિયાન વહેતા પાણીને લીધે લોકોને મુશ્‍કેલીનો સામનો ન કરવો પડે.