Gujarati News

રાજકોટ તા. ર૭ :.. ગોંડલ નવા યાર્ડ પાસે હાઇવે ઉપર સરકારી જમીનમાં વૃક્ષોને નુકશાન કરનાર હોટલના માલીક સહિત ત્રણ સામે પોલીસમાં ફરીયાદ થઇ છે.

પ્રાપ્ય વિગતો મુજબ નેશનલ હાઇવે ઓથોરીટીના કર્મચારી અજયસિંહ અમરસિંહ ઠાકોર રે. રાજકોટએ ગોંડલ નવા યાર્ડ પાસે આવેલ શિવ હોટલના માલીક લાલભાઇ તથા તેના બે કર્મચારીઓ સામે સીટી પોલીસમાં યાર્ડ પાસે હાઇવે ઉપર આવેલ ઉકત હોટલ પાસે સરકારી જમીનમાં કરાયેલ દબાણ દુર કરી ફેન્સીંગવાળી વૃક્ષારોપણ કરાયા બાદ હોટલના માલીક લાલાભાઇ તથા તેના  બે કર્મચારીઓએ સરકારી જમીનમાંથી વૃક્ષો કાઢી નાખી નુકશાન કરી ફરીયાદી તથા તેના મેનેજરને ગાળો ભાંડી હતી.આ ફરીયાદ અન્વયે ગોંડલ પોલીસે હોટલના માલીક સહિત ત્રણેય સામે ગુન્હો દાખલ કરી તપાસ હાથ ધરી છે.