Gujarati News

Gujarati News

News of Saturday, 28th November 2020

વડીયામાં પતિના હાથે પત્નિની હત્યાઃ મૃતદેહ સળગાવતા પોતે પણ દાઝયો

અમરેલી જિલ્લામાં અરેરાટીઃ પુત્ર સાથે રહેતી પત્નિ પાસે ઘઉં લેવા જતા મામલો બીચકયોઃ ઉશ્કેરાઈ જઈને હથીયારનો ઘા ઝીંકી દીધો

(અરવિંદ નિર્મળ દ્વારા) અમરેલી, તા. ૨૮ :. અમરેલી જિલ્લાના વડીયામાં પતિના હાથે પત્નિની હત્યા થતા ખળભળાટ મચી ગયો છે.

પ્રાપ્ત માહિતી મુજબ વડીયામાં કાલે રાત્રીના પતિથી અલગ પોતાના દિકરા  બાવુભાઈ સાથે રહેતા સાકરબેન બીજલભાઈ વાઘેલા પાસે તેના પતિ બીજલભાઈ ઘઉં લેવા માટે ગત રાત્રીના ગયા હતા.

ત્યારે પતિ-પત્નિ અને પુત્ર વચ્ચે કોઈ કારણસર ઝઘડો થયો હતો અને ઉગ્ર બોલાચાલી પણ થઈ હતી. આ દરમિયાન પતિ બીજલ વાઘેલા ઉશ્કેરાઈ ગયો હતો અને પત્નિ સાકરબેનના કાન ઉપર લોખંડના કોસનો એક ઘા ઝીંકી દેતા તેનુ ઘટના સ્થળે જ મોત થયુ હતું. ત્યાર બાદ પતિ બીજલે તેના પત્નિનો મૃતદેહ પેટ્રોલ છાંટીને સળગાવ્યો હતો. આ દરમિયાન તે દાઝી જતા તેને પણ સારવાર માટે હોસ્પીટલમા ખસેડાયેલ છે.

આ બનાવ અંગે મૃતક માતા સાકરબેનના પુત્ર બાવુભાઈએ પોલીસ સ્ટેશનમાં ફરીયાદ કરતા વડીયા પોલીસ સ્ટેશનના પીએસઆઈ અને સ્ટાફે તપાસ હાથ ધરી છે.

(12:13 pm IST)
  • 30 નવેમ્બરના રોજ વારાણસી જશે નરેન્દ્રભાઈ : ગંગા નદીમાં બોટ રાઇડ કરશે : વડાપ્રધાન શ્રી નરેન્દ્રભાઈ મોદી ૩૦ નવેમ્બરે વારાણસીની મુલાકાતે આવી રહ્યા છે તેઓ ગંગા નદીમાં બુટ મુસાફરી કરશે અને કાશી વિશ્વનાથ મંદિરની મુલાકાત પણ લેશે. વારાણસીના રાજઘાટ પર દીપ પ્રગટાવશે તથા વારાણસી અને પ્રયાગરાજ વચ્ચે એક નવા હાઇવેનું ઉદઘાટન કરશે access_time 10:45 am IST

  • દેશમાં કોરોનાથી મૃત્યુઆંક 1.36 લાખને પાર પહોંચ્યો :એક્ટિવ કેસ ફરી વધ્યા : રાત્રે 11 વાગ્યા સુધીમાં કોરોનાના નવા 39,414 કેસ નોંધાયા:કુલ કેસનો આંકડો 93,49,285 થયો :એક્ટીવ કેસ 4, 53,436 થયા: વધુ 39,815 દર્દીઓ સ્વસ્થ થતા કુલ 87,57,524 રિકવર થયા :વધુ 438 લોકોના મોત સાથે કુલ મૃત્યુઆંક 1,36,190 થયો access_time 11:58 pm IST

  • કોંગ્રેસના વચગાળાના ખજાનચી તરીકે પવનકુમાર બંસલની નિમણુંક : અહમદ પટેલના નિધનથી ખાલી પડેલી જગ્યા ઉપર કામચલાઉ નિમણુંક : કોંગ્રેસ પાર્ટીમાં અધ્યક્ષ ઉપરાંત હવે ખજાનચી પણ કામચલાઉ access_time 6:18 pm IST