Gujarati News

Gujarati News

News of Saturday, 28th November 2020

લાલપુરમાં જીવલેણ હથીયારો વડે હુમલો : સામસામી ફરીયાદઃ ૩ જામનગર સારવારમાં

જામનગરઃલાલપુરમાં અથડામણમાં ફાયરીંગની ઘટના બની હતી. લાલપુરના હુશેનીચોકમાં બે જૂથો વચ્ચે અથડામણ થઇ હતી. અગાઉ છેડતીની ઘટનાને લઇને પોલિસ મથકે કરેલ રાવને લઇને મનદુઃખમાં બે જૂથો વચ્ચે અથડામણ થઇ હતી. આ જૂથ અથડામણમાં ત્રણ લોકોને ગંભીર ઇજાઓ પહોંચતા જામનગર ખસેડાયા હતા.(તસ્વીરઃ કિંજલ કારસરીયા.જામનગર)(૨૩.૧૪)

(મુકુંદ બદિયાણી દ્વારા) જામનગર, તા.૨૮: લાલપુર પોલીસ સ્ટેશનમાં સબીરભાઈ ઈસ્માયલભાઈ દોદેપોત્રા એ ફરીયાદ નોંધાવી છે. કે, તા.ર૭–૧૧–ર૦ર૦ના લાલપુર હુશેની ચોકમાં આરોપીઓ બશીર સીદીક સમા, નવાઝ બશીર સમા, યુસુફ મજીદ સમા, આરીફ મજીદ સમા, રફીક ઈબ્રાહીમ સમા, ઈરફાન ઈબ્રાહીમ સમા, જીકર બશીર સીદીકનો બનેવી , આરીફ રાણાવાવવાળો, આરીફ મજીદ સોલંકી, ઓસમાણ ઈશાક સમા, આસલી અબાબભાઈ તથા અજાણ્યા માણસો એ એક સંપ કરી તીક્ષ્ણ હથીયારો પાઈપ છરી લાકડાના ધોકા તથા બેઝબોલના ધોકા તથા બંધુક ધારણ કરી ઈજા પામનાર સાહેદ ગુલમામાદ જુસબભાઈ અખાણીને આરોપી જીકર એ જીવલેણ હુમલો કરી મારી નાખવાના ઈરાદે માથાના ભાગે લોખંડના પાઈપનો એક ઘા કરી ગંભીર ઈજા કરી તથા એક ઘા ડાબા હાથ ઉપર ફેકચર જેવી ઈજા કરી આરોપીઓએ લોખંડના પાઈપ તથા લાકડાના ધોકા તથા બેઝબોલના ધોકાઓ વડે શરીરે આડેધડ માર મારી ઈજા કરી તથા ઈજા પામનાર સાહેદ સબીર હુશેન અખાણીને માથાના ભાગે આરોપી બશીર સીદીક સમાએ લોખંડના પાઈપ વડે એક ઘા મારી તથા સાહેદ હારૂન અલારખાને આરોપી આરીફ એ છરી વડે છરકા જેવી ઈજા કરી આરોપીઓએ પથ્થર વડે સાહેદોને માર મારી ઈજા કરી તથા આરોપી ઓસમાણ ઈશાક સમાએ નારવાળી બંદુક વડે હવામાં ફાયરીંગ કરી આરોપીઓએ એક સંપ કરી પોતાના સમાન ઈરાદો પાર પાડવા હથીયાર ધારણ કરી સાહેદોને ભુંડી ગાળો આપી જાનથી મારી નાખવાની ધમકી આપી જિલ્લા કલેકટરના હથીયાર બંધી જાહેરનામાનો ભંગ કરી ગુનો કરેલ છે.

જામનગર : લાલપુર પોલીસ સ્ટેશનમાં આરીફ અબ્દુલ સોલંકી એ ફરીયાદ નોંધાવી છે. કે, તા.ર૭–૧૧–ર૦ર૦ના લાલપુર ના હુશેની ચોકમાં આરોપીઓ અકરમ હલુભાઈ, અસલમ ઉર્ફે ભદો હલુભાઈ, આરોપી અકરમ તથા અસલમનો સગો ભાઈ  ગુલામામદ, આમદ, સબીર હુશેન, હારૂન તથા અજાણ્યા ઈસમો એ એક સંપ કરી લોખંડના પાઈપ ધારણ કરી ઈજા પામનાર સાહેદ રજાક ઈબ્રાહીમ સમા ને આરોપી ગુલમામદએ લોખંડના પાઈપનો એક ઘા ડાબા પગે મારી ફેકચર જેવી ઈજા કરી તથા સાહેદ મજીદ ગનીભાઈ સોલંકી તથા ફરીયાદી આરીફ અબ્દુલ સોલંકી ને આરોપીઓએ લોખંડના પાઈપ વડે આડેધડ માર મારી મુંઢ ઈજાઓ કરી. એક સંપ કરી પોતાના સમાન ઈરાદો પાર પાડવા હથીયાર ધારણ કરી સાહેદોને ભુંડી ગાળો આપી જાનથી મારી નાખવાની ધમકી આપી જિલ્લા કલેકટરના હથીયાર બંધી જાહેરનામાનો ભંગ કરી ગુનો કરેલ છે.

(1:01 pm IST)