Gujarati News

(વિનોદ ગાલા દ્વારા)ભુજ,તા.૨૯: કોરોનાની બીજી લહેર કચ્છમાં ભારે ઉત્પાત મચાવ્યા પછી હવે ધીરે ધીરે શાંત પડી રહી છે. ગઈકાલે બીજી લહેર બાદ પ્રથમ વાર ઝીરો કેસ નોંધાયા છે.

આમ ગત વર્ષે ૧ લી લહેર પછી જૂન ૨૦૨૦ માં ઝીરો કેસ નોંધાયો હતો. જયારે આ વર્ષે બીજી લહેરમાં પણ જૂન ૨૦૨૧ માં ઝીરો કેસ નોંધાયો છે. જયારે હોસ્પિટલમાં સારવાર માટે દાખલ કોરોનાના દર્દીઓ પણ ઘટીને માટે ૪૯ જ રહ્યા છે. સરકારી ચોપડે બન્ને લહેરમાં મળીને કુલ ૧૨૫૭૭ દર્દીઓ નોંધાયા છે. જેમાં ૨૮૨ મોત સરકારી ચોપડે દર્શાવાયા છે. પરંતુ સરકારી આંકડાઓ સામે સતત સવાલો થતાં રહ્યા છે.

જોકે, મ્યુકોરમાઈસિસના ૯ દર્દીઓ હજી સારવાર હેઠળ છે. કચ્છ જિલ્લામાં મ્યુકોરમાઈસિસના અત્યાર સુધીમાં ૪૮ દર્દીઓ નોંધાયા છે.