Gujarati News

ભુજઃ કચ્છના કલેક્ટર પ્રવિણા ડી.કે.ને દસ દિવસની અંદર પંચમહાલથી પુનઃ કચ્છ કલેક્ટર તરીકે મૂકવામાં આવ્યાં છે. પ્રવિણા ડી.કે.ના સ્થાને કચ્છ કલેક્ટર તરીકે મૂકાયેલાં સુજલ મયાત્રાને પંચમહાલ મૂકાયાં છે. દસ દિવસના ટૂંકા ગાળામાં કચ્છ કલેક્ટરની અરસપરસ થયેલી બદલીના હુકમથી અનેક તર્કવિતર્ક સર્જાયાં છે. કચ્છમાં કલેક્ટર તરીકે અન્યત્ર બદલી પામ્યાં બાદ ટૂંકાગાળામાં ફરી એ જ અધિકારીને પરત કલેક્ટર પદે મૂકાયાં હોય તેવો આ કદાચ પ્રથમ દાખલો છે.

 પ્રવિણા ડી.કે.ને કચ્છમાં પરત મૂકવા પાછળ કયા કયા કારણો હોઈ શકે તે અંગે રાજ્યની આઈએએસ લૉબીથી લઈ આમજનતામાં અનેક અટકળો થઈ રહી છે.ઉલ્લેખનીય છે કે, અગાઉ 2019માં કચ્છના કલેક્ટર તરીકે મૂકાયેલાં નાગરાજનની પણ ત્રણ માસના ટૂંકા ગાળામાં ભેદી રીતે બદલી કરાઈ હતી અને તેમના સ્થાને પ્રવિણા ડી.કે.ને મૂકાયાં હતા.