Gujarati News

મોરબી શહેરમાં ટ્રાફિક સમસ્યા બારેમાસ જોવા મળતી હોય છે જેથી મોરબીના જુના બસ સ્ટેન્ડ ખાતે આવતી એસટી બસોના રૂટ મચ્છીપીઠ રોડ પરથી ચલાવતા નવું જાહેરનામું બહાર પાડવા રજૂઆત કરાઈ છે

મોરબી નગરપાલિકાના પ્રમુખ કે કે પરમાર દ્વારા જીલ્લા કલેકટરને રજૂઆત કરી જણાવ્યું છે કે જુના બસ સ્ટેન્ડથી ઈદ મસ્જીદ નવો રોડ બનાવેલ છે જેથી હવ રાજકોટ, સોમનાથ અને કચ્છ જતી તેમજ રાજકોટ, કચ્છ તરફથી આવતી બસો જુના બસ સ્ટેશનથી ઈદ મસ્જીદ પાસેના મચ્છીપીઠ રોડ પરથી પસાર થાય તે રીતે નવેસરથી જાહેરનામું બહાર પાડવામાં આવે તેવી માંગ કરી છે આ રોડ પરથી એસટી બસો પસાર થતા ટ્રાફિક સમસ્યા હળવી થશે અને લોકોને ટ્રાફિક સમસ્યામાંથી મુક્તિ મળશે જેથી જરૂરી કાર્યવાહી કરવા અપીલ કરવામાં આવી છે