Gujarati News

Gujarati News

News of Tuesday, 29th September 2020

વિસાવદર તાલુકા કોંગ્રેસ પ્રમુખ કરશન વાડોદરિયા કોરોના પોઝીટીવ

વિસાવદર તા.૨૯,તા.૨૯ :  તાલુકા કોંગ્રેસનાં પ્રમુખ અને જૂનાગઢ જિલ્લા પંચાયતનાં વરિષ્ઠ સદસ્યા શ્રીમતી ચંદ્રિકાબેન વાડોદરિયાનાં પતિદેવ  કરશનભાઈ વાડોદરિયાને 'કોરોના પોઝીટીવ' આવતા કરશનભાઇનાં જણાવ્યા અનુસાર તબિયત નાદુરસ્ત જણાતા હોસ્પિટલ ખાતે ગયેલા જયાં ફરજ પરનાં તબીબે કોરોના રિપોર્ટ કરાવવાનુ કહેતા રિપોર્ટ કરાવતા પોઝીટીવ આવેલ છે.હાલ તેઓ હોમ કોરોનન્ટાઈન છે. પોતાના સંપર્કમાં આવેલા તમામ લોકોને ત્વરીત કોરોના ટેસ્ટ રિપોર્ટ કરાવી લેવા અપીલ કરી છે.

અત્રે ઉલ્લેખનીય છે કે,આગામી નવેમ્બરમાં યોજાનાર તાલુકા પંચાયત-જિલ્લા પંચાયતની ચૂંટણી સંદર્ભે આજે જ વાડોદરિયાએ પક્ષનાં આગેવાનો-કાર્યકરોની એક બેઠકનું આયોજન કરેલું પણ ખુદ વાડોદરિયા જ કોરોનાગ્રસ્ત બનતા હોમ કોરોન્ટાઈન થવુ પડ્યું છે.જો કે,ધારાસભ્ય હર્ષદભાઇ રિબડીયાનાં નેતૃત્વતળે કોંગ્રેસની બેઠકનો કાર્યક્રમ યથાવત છે.

(1:03 pm IST)
  • નાગપુર સહિત પૂર્વ વિસ્તારમાં ચોમાસાનો અંતિમ રાઉન્ડ ચાલુ ૧૦ ઓકટોબર પહેલા ચોમાસું પાછું ખેંચાશે નહીં : આ ચોમાસાની સિઝનનો ગાજવીજ સાથે વરસાદનો અંતિમ રાઉન્ડ નાગપુર સહિત પૂર્વ વિદર્ભમાં ચાલી રહ્યો છે. ૩૦ સપ્ટેમ્બરથી અહીં ગરમ અને સૂકું હવામાનની સંભાવના છે. ૧૦ ઓકટોબર પહેલા ચોમાસુ પાછું ખેંચવાની શકયતા નથી. access_time 3:59 pm IST

  • તામિલનાડુમાં 31 ઓક્ટોબર સુધી લોકડાઉન : થોડી છૂટછાટ સાથે લોકડાઉન આખા ઓક્ટોબર માસ સુધી અમલી બનાવાયું access_time 7:49 pm IST

  • બપોરે ધોરાજીમાં ભૂકંપનો આંચકો : રાજકોટ - પોરબંદર હાઈવે ઉપર આવેલ રાજકોટથી ૧૦૦ કિ.મી. દૂર ધોરાજી શહેરમાં ૩:૪૫ વાગ્યે અત્યારે ભૂકંપનો જોરદાર આંચકો આવતા લોકોમાં ભારે ગભરાટ છવાઈ ગયેલ : અનેક લોકો ઘરની બહાર નીકળી ગયા (કિશોર રાઠોડ, ધોરાજી) access_time 3:59 pm IST