Gujarati News

રાજકોટ તા. ૨૯: જામનગર બેડેશ્વરમાં કરબલા ચોકમાં રહેતી નિલોફર ઇરફાન રફાઇ (ઉ.વ.૨૨)ને ગઇકાલે તેના પતિએ ઢીકાપાટુનો માર મારતાં પેટ શરીરે મુંઢ ઇજાઓ થતાં સારવાર માટે રાજકોટ સિવિલ હોસ્પિટલમાં ખસેડવામાં આવતાં હોસ્પિટલ ચોકીના વાલજીભાઇ નિનામા અને જયમિન પટેલે જામનગર બી-ડિવીઝન પોલીસને જાણ કરી હતી.

નિલોફરના સગાના કહેવા મુજબ તેણીના માવતર રાજકોટ દૂધ સાગર રોડ પ મનહરપરામાં રહે છે. તેણીની શાદી ચાર મહિના પહેલા જ ઇરફાન સાથે થઇ છે. ઇરફાન વેલ્ડીંગ કામ કરે છે. લગ્નના બે મહિના બાદ નિલોફરને ખબર પડી હતી કે પતિ મોબાઇલમાં કોઇ બીજા સાથે વાતો કરે છે. આ બાબતે માથાકુટ થતાં તેણીને માવતરે લાવવામાં આવી હતી. થોડા દિવસ પહેલા જ સમાધાન કરીને તેડી જવાઇ હતી. ત્યાં ગઇકાલે પતિએ મારકુટ કરી હતી. તેમ જણાવાતાં પોલીસે તપાસ હાથ ધરી છે.