Gujarati News

Gujarati News

News of Friday, 30th July 2021

ચીખલીના આલીપોરથી ગેરકાયદેસર બાયોડિઝલના જથ્થા સાથે આરોપી ઝડપાયો: ૭૩,૬૨૫ રૂપિયાનો મુદ્દામાલ કબ્જે

કાઠિયાવાડી હોટલની બાજુમાં ખુલ્લી જગ્યામાંથી પ્લાસ્ટિકના કેરબામાં રાખેલ જ્વલનશીલ કેમિકલ અને બાયોડિઝલ મળી કુલ્લે ૩૧૫ લિટરનો જથ્થો પોલીસે ઝડપી પાડ્યો

ચીખલી તાલુકાનાં આલીપોર ગામેથી પોલીસે જ્વલંતશીલ કેમિકલ, બાયોડિઝલ સહિતનો ગેરકાયદેસર જથ્થા સાથે એકને ઝડપી પાડી રૂ.૭૩,૬૨૫/- રૂપિયાનો મુદ્દામાલ કબ્જે કરી વધુ તપાસ હાથ ધરી હતી.

પોલીસ મથકેથી પ્રાપ્ત માહિતી અનુસાર આલીપોર ને.હા.નં-૪૮ પર કાઠિયાવાડી હોટલની બાજુમાં ખુલ્લી જગ્યામાંથી એકબીજાની મદદગારીથી પાસ પરમીટ વગર ફાયર સેફટીના સાધનો વિના પ્લાસ્ટિકના કેરબામાં રાખેલ જ્વલનશીલ કેમિકલ અને બાયોડિઝલ મળી કુલ્લે ૩૧૫ લિટરનો જથ્થો પોલીસે ઝડપી પાડી ડિસ્પેન્સરી મશીન સહિત કુલ્લે રૂ.૭૩,૬૨૫નો મુદ્દમાલ કબ્જે કરી મૃત્યુનજયદાસ શંભુનાથદાસ (હાલ રહે.કાઠિયાવાડી હોટલની બાજુમાં આલીપોર તા.ચીખલી) (મૂળ રહે.મુશરદબાદ વેસ્ટ બંગાલ) ની અટકાયત કરી થાલા ના રહેવાસી સાહિ દુલ્લાખાન ને વોન્ટેડ જાહેર કરી વધુ તપાસ પીએસઆઇ-ડી.આર. પઢેરિયા કરી રહ્યા છે

(6:46 pm IST)