Gujarati News

મોરબીની પંચાસર ચોકડીએ સોમવારે મોડી રાત્રીના સમયે તીક્ષ્ણ હથિયારના ઘા ઝીંકી યુવાનની હત્યા નીપજાવી હોય જે હત્યાના બનાવ મામલે પોલીસે ગુન્હો નોંધી તપાસ ચલાવી હતી જેમાં રીઢો ગુનેગાર ઝડપાયા બાદ આજે કોર્ટમાં રજુ કરતા કોર્ટે એક દિવસના પોલીસ રિમાન્ડ મંજુર કર્યા છે
મોરબીના વાવડી રોડ ભગવતીપરા વિસ્તારના રહેવાસી મનુભાઈ પાચાભાઇ અજાણાએ પોલીસ ફરિયાદ નોંધાવી છે કે તેના ભત્રીજા નવઘણ હરેશભાઈ અજાણાને પંચાસર રોડ પર મોહસીન ઉર્ફે ગજની કરીમ પિંજારા રહે પંચાસર રોડ ઘાંચી શેરી વાળાએ તીક્ષ્ણ હથિયારના ઘા ઝીકી દેતા યુવાનનું મોત થયું હતું ગાળો આપવાની ના કહેતા ઉશ્કેરાઈ ગયેલા ઇસમેં યુવાનને મોતને ઘાત ઉતારી દઈને ફરાર થયો હતો જે હત્યાના બનાવ મામલે પોલીસે ફરિયાદ નોંધી આરોપી મોહસીન ઉર્ફે ગજની કરીમ પિંજારા નામના ઈસમને ઝડપી લીધો છે
હત્યાના ગુન્હામાં ઝડપાયેલા આરોપી મોહસીન ઉર્ફે ગજની કરીમ પિંજારા રીઢો ગુનેગાર હોવાનું ખુલ્યું હતું જેની વિરુદ્ધ અનેક ગુન્હા નોંધાયેલા હોય જે આરોપીને ઝડપી લેવાયા બાદ આજે કોર્ટમાં રજુ કરતા કોર્ટે ગુરુવાર સાંજ સુધીના રિમાન્ડ મંજુર કર્યા છે