Gujarati News

મોરબી : માળિયા પંથકમાં અમેરિકન ડોલર અડધી કીમતે આપવાની લાલચ આપી સોનાના બિસ્કીટ બતાવી ટોળકી છેતરપીંડી આચરતી હોય જે ગેંગના ત્રણ શખ્શોને પોલીસે ૨૦ લાખથી વધુના મુદામાલ સાથે દબોચી લઈને પોલીસે રિમાન્ડ મેળવ્યા હતા જે રિમાન્ડ પૂર્ણ થતા ત્રણેય આરોપીને કોર્ટમાં રજુ કરી બાદમાં જેલહવાલે કરવામાં આવ્યા છે
મોરબી એલસીબી ટીમેં ચીટીંગ કરતી ગેંગના ત્રણ શખ્શોને ઝડપી લીધા હતા માળિયા તાલુકાના હરીપર ગોલાઈ પાસે બીપીનભાઈ અરજણભાઈ પરમાર( રહે લક્ષ્મીનગર તા. મોરબી વાળા) ને અમેરિકન ડોલર અડધી કિમતમાં આપવાના બહાને બોલાવી અમેરિકન ડોલરનું બંડલ બતાવી તેઓ બંડલ ગણતા હોય ત્યારે અન્ય સાગરીતો પોલીસ બની આવી રેઇડ કરી હતી જેની પાસેથી રોકડ રૂ ૪.૫૦ લાખની રકમની છેતરપીંડી આચરી હતી
જેથી એલસીબી ટીમે આરોપી હાસમ કરીમ મોવર (રહે વિસીપરા મોરબી), મુકેશ ઉર્ફે લાલો ખેંગાર રાણવા (રહે હાલ મોરબી ૨ ઇન્દિરાનગર )અને ઈમ્તિયાઝ યુનુસ અજમેરી( રહે મોરબી ૨ કન્તીનગર વાળા) ને ૨૦ લાખથી વધુના મુદામાલ સાથે ઝડપી લીધા લીધા હતા જે બનાવ અંગે વધુ તપાસ માળિયા પીએસઆઈ એન એચ ચુડાસમાની ટીમ ચલાવતી હોય જે આરોપીઓને કોર્ટમાં રજુ કરતા કોર્ટ બે દિવસના રિમાન્ડ મંજુર કર્યા હતા જે રિમાન્ડ પૂર્ણ થતા આરોપીઓને જેલહવાલે કરવામાં આવ્યા છે