ઘંટેશ્વર ૨૫ વારીયામાં મુરગીના ધંધાર્થી રશીદ કુરેશી પર વાજીદ દારૃવાલાનો પાઇપથી હુમલો

અગાઉનું મનદુઃખનો ખાર રાખી હુમલો કરાયાનું રશીદના પત્નિનું કથન

રાજકોટ તા. ૮ :  જામનગર રોડ પર ઘંટેશ્વર ૨૫ વારીયામાં રહેતાં અને ઘર નજીક મુરગીની દૂકાન ધરાવતાં રશીદ ફિરોઝભાઇ કુરેશી (ઉ.૩૨) પર સાંજે સાતેક વાગ્યે દૂકાન નજીક હતો ત્યારે પોપટપરાના વાજીદ દારૃવાલા અને અજાણ્યાએ પાઇપથી હુમલો કરી માથામાં ઇજા કરતાં સિવિલ હોસ્પિટલમાં ખસેડાતાં ચોકીના સ્ટાફે ગાંધીગ્રામ પોલીસને જાણ કરી હતી.

રશીદના પત્નિના કહેવા મુજબ રશીદની દૂકાનની બાજુમાં વનરાજને પાનની દૂકાન છે. વનરાજ પાસે પૈસાની લેતીદેતી મામલે વાજીદ માથાકુટ કરતો હોઇ અગાઉ રશીદને પણ તેની સાથે માથાકુટ થઇ હતી. તે તેને વનરાજ સાથે ઝઘડો નહિ કરવા સમજાવવા જતાં તેના પર હુમલો થયો હતો. પોલીસે વધુ તપાસ હાથ ધરી છે.