કેદારનાથમાં ફસાયેલા કેશોદના સાત યુવાનો સહિસલામત કેશોદ આવવા રવાના

કેશોદ તા. ર૦ :.. ઉતરાખંડના કેદારનાથની યાત્રાએ ગયેલ કેશોદના કિશન બોરડ સહિતના સાત યુવાનો સતત વરસાદ અને ભુસ્ખલનને લઇને કેદારનાથના દર્શન કરી પરત ફરતા ભેખડો ધસી આવતા રસ્તો બંધ થતા રસ્તામાં ફસાયા હતાં.

આ યુવાનોએ વીડીયો દ્વારા જણાવેલ છે કે હવે રસ્તો ખુલ્લો થઇ જતાં આ યુવાનો ઉતરાખંડ સરકાર અને ઉતરાખંડ પોલીસ તથા મીડીયા અને ગુજરાત સરકારનો આભાર વ્યકત કરતા જણાવેલ છે કે અમો સાતે યુવાનો સહીસલામત હરદ્વાર જવા નિકળી ગયા છીએ અને ટૂંક સમયમાં કેશોદ પહોંચી જઇશું.