જયાં દાયકાઓ પહેલા અભ્યાસ કર્યો'તો તે રાજુલાના ડુંગર ગામની જે.એન.મહેતા હાઇકસ્કુલની મુલાકાતે પૂ.રમેશભાઇ ઓઝા

જુનાગઢઃ રાજુલા ડુંગર ગામે જે.એન.મહેતા હાઇસ્કુલ અને હોસ્ટેલ આવેલી છે ૧૯પ૨ની સાલમાં આ સંસ્થાની સ્થાપના  થયેલ જેમાં વિશ્વવંદનીય સંત  પ્રખર  ભાગવતાચાર્ય પૂ.ભાઇશ્રી રમેશભાઇ  ઓઝાએ સંસ્થાની હોસ્ટેલમાં રહી હાઇસ્કુલમાં ધો.૮માં આજથી ત્રણેક દાયકા પહેલા અભ્યાસ કર્યો હતો ગઇકાલે પૂ.ભાઇશ્રીએ  આ સંસ્થાની મુલાકાત લઇ તેઓએ જે હોસ્ટેલના રૂમમાં રહેતા અને હાઇસ્કુલમાં જે બેન્ચ પર બેસી કલાસમાં શિક્ષણ મેળવતા તે સ્થળોની મુલાકાત લઇ જુના સ્મરણો યાદ કર્યા હતા અને એ સમય યાદ કરી પૂ.ભાઇશ્રીની આંખમાં હર્ષના આસુ આવી ગયા હતા આ તકે પૂ.ભાઇશ્રીને આ સંસ્થાના સંચાલક જોરૂભાઇ વરૂ તથા આચાર્ય રાજુભાઇ ખાચર તેમજ શિક્ષીકા દક્ષાબેન ખટારીયા સહિતના સ્ટાફે આવકાર્ય હતા. આ મુલાકાત દરમ્યાન પૂ.ભાઇશ્રીના લઘુબંધુ ગૌતમભાઇ ઓઝા, શંકરભાઇ જોષી વગેેરે સાથે રહ્યા હતા. (અહેવાલઃ વિનુભાઇ જોષી, તસ્વીરઃ મુકેશ વાઘેલા, જુનાગઢ)