ઉપલેટા શહેર કોંગ્રેસ પ્રમુખ કૃષ્ણકાંત ચોટાઈ તથા ભાયાવદર પાલિકા પ્રમુખ જીવાણી એક માસમાં ત્રીજી વખત નજરકેદ
સરકાર પોલીસ તંત્રનો દુરૂપયોગ કરે છેઃ ચોટાઈ
ઉપલેટા, તા. ૨૨ :. આજે તા. ૨૨ના ક્રિષ્ના હોટલ ૧૫૦ ફુટ બીજા રીંગ રોડ ઉપર ખેડૂતોનું સંમેલન હોય આ ખેડૂત સંમેલનમાં માણસોને અટકાવવા પોલીસ તંત્રનો દુરૂપયોગ કરી આગેવાનોને નજરકેદ કરી ખેડૂતોને સંમેલનમાં જતા અટકાવવામાં આવે છે.
ઉપલેટા તાલુકામાંથી ખેડૂતો રાજકોટ ન પહોંચે તે માટે ઉપલેટા તાલુકાના આગેવાનો ઉપર ગઈકાલે રાત્રીથી જ પોલીસ બંદોબસ્ત મુકી તેઓને નજરકેદ કરવામાં આવેલ છે.
ઉપલેટા શહેર કોંગ્રેસ પ્રમુખ કૃષ્ણકાંત ચોટાઈ અને ખેડૂત આગેવાન અને ભાયાવદર નગરપાલિકાના પ્રમુખ નયનભાઈ જીવાણી ઉપર ગઈકાલ રાત્રીથી જ પોલીસ બંદોબસ્ત બેસાડી તેઓ રાજકોટ સંમેલનમાં જઈ ના શકે તે માણસો મોકલી ન શકે તેવા પ્રયાસો પોલીસ દ્વારા કરાઈ રહ્યા છે. આ અંગે શહેર કોંગ્રેસ પ્રમુખ કૃષ્ણકાંત ચોટાઈ એ એક જાહેર નિવેદન દ્વારા જણાવેલ હતુ કે સરકાર પોલીસ તંત્રનો દુરૂપયોગ કરી રહી છે. પોલીસના માધ્યમથી માનવ અધિકારો ઉપર આ ભાજપ સરકાર તરાપ મારી રહી છે. પોતાને એક મહિનામાં ત્રીજી વખત નજરકેદ કર્યાનું જણાવેલ હતું.