ઉપલેટામાં ચોરાઉ બાઇક સાથે નીકળેલ કોલકીના ખીમાને એલસીબીએ ઝડપી લીધો
ખીમા આહીર અગાઉ બે ચોરી સહિત ૧૦ ગુન્હામાં પકડાઇ ચૂકયો છે
ઉપલેટા, તા. રપ : ઉપલેટામાં ચોરાઉ બાઇક સાથે નીકળેલ કોલકીના શખ્સને રૂરલ ક્રાઇમ બ્રાન્ચે ઝડપી લીધો હતો. પકડાયેલ શખ્સ અગાઉ બે ચોરી સહિત ૧૦ ગુન્હામાં પકડાઇ ચૂકયો છે.
રૂરલ ક્રાઇમ બ્રાન્ચના પી.આઇ. એ.આર. ગોહિલ તથા ટીમ ઉપલેટા વિસ્તારમાં પેટ્રોલીંગમાં હતી ત્યારે નંબર વગરના બાઇક ઉપર નીકળેલ ખીમા રાજાભાઇ આહિર રે. કોલકી તા. ઉપલેટાન રોકી પૂછતાછ કરતા આ બાઇક ઉપલેટામાંથી ચોરી કરી ફેરવતો હોવાની કબુલાત આપતા તેની ધરપકડ કરી ઉપલેટા પોલીસના હવાલે કરાયો હતો. પકડાયેલ ખીમો અગાઉ બે ચોરી તથા આઠ વખત પ્રોહીબીશનના ગુન્હામાં પકડાઇ ચૂકયો છે.
આ કાર્યવાહીમાં રૂરલ એલસીબીના હેડ કો. શકિતસિંહ જાડેજા, પો.કો. દિવ્યેશભાઇ સુવા, કૌશિકભાઇ જોષી તથા નિલેશભાઇ ડાંગર જોડાયા હતાં.
તસ્વીરમાં ચોરાઉ બાઇક સાથે પકડાયેલ શખ્સ (નીચે બેઠેલ) સાથે રૂરલ ક્રાઇમ બ્રાંચનો સ્ટાફ નજરે પડે છે.