ભાવનગરમાં ગ્રીનસીટી રંગ લાવી રહી છે

કલાનગરી ભાવનગર કલાક્ષેત્રે તો આગળ છે જ પરંતુ હવે લીલોતરી- હરીયાળી ક્ષેત્રે પણ ગુજરાતનું નં.૨ ગ્રીનસીટી બની ગયું છે. ૫ જુન ૨૦૧૧થી સ્થપાયેલ ગ્રીનસીટી સંસ્થાના દેવેનભાઈ શેઠ એ 'વન મેન શો'ની જેમ એકલા હાથે આજ સુધીમાં શહેરમાં આશરે ૨૫૦૦૦ જેટલા વૃક્ષોનું વૃક્ષરોપણ કરી તેની અંગત કાળજી લઈ સ્વ.મહેનતથી વૃક્ષોનો ઉછેર કરી તેને મોટા કર્યા છે. દેવેનભાઈ જાતે રોજ ૧ કલાક સવારે છોટા હાથી ટેમ્પો લઈને વૃક્ષોને પાણી પાવા જાય છે. તેમની આ તન- મન અને ધનથી પર્યાવરણ માટેની સેવા હવે ભાવનગરમાં હરીયાળી રૂપે રંગ લાવી રહી છે. શહેરનો એરપોર્ટ રોડ તથા રબ્બર ફેકટરીથી માધવ દર્શનનો રોડ તો હરીયાળીના બેનમુન નમુના સમાન બની ગયા છે.