News of Wednesday, 28th July 2021
ટંકારામાં ઘઉંમાં નાખવાના ટીકડા પી લેતા વૃદ્ધનું સારવારમાં મોત
પ્રથમ ટંકારા બાદ વધુ સારવાર માટે રાજકોટ ખસેડવામાં આવ્યા હતા
ટંકારાની લક્ષ્મીનગર સોસાયટીમાં વૃદ્ધે પોતાના ઘરે ઘઉંમાં નાખવાના ટીકડા પી લેતા તેને સારવાર માટે રાજકોટ ખસેડવામાં આવ્યા હોય જેનુ સારવાર દરમિયાન મૃત્યુ નીપજ્યું હતું જે મામલે ટંકારા પોલીસે નોંધ કરી વધુ તપાસ હાથ ધરી છે
મળતી માહિતી મુજબ ટંકારાની લક્ષ્મીનગર સોસાયટીમાં રહેતા દિલીપભાઈ જાદવજીભાઈ પટેલ (ઉ.૫૨) ગત તા.૨૫ ના રોજ પોતાના ઘરે ઘઉમાં નાખવાના ટીકડા પી જતા તેને પ્રથમ ટંકારા બાદ વધુ સારવાર માટે રાજકોટ ખસેડવામાં આવ્યા હતા દરમિયાન તા.૨૭ ના રોજ તેનું મૃત્યુ નીપજ્યું હતું જેથી પરિવારમાં શોકનો માહોલ ફેલાયો છે તો ટંકારા પોલીસે બનાવ અંગે નોંધ કરી વધુ તપાસ હાથ ધરી છે
(9:21 pm IST)