વડિયા પોસ્ટ ઓફિસમાં છેલ્લા એક સપ્તાહથી ઓનલાઇન કામગીરી ઠપ્પ થતા લોકોને ધરમના ધક્કા

ઓફલાઇન કાર્ય સિવાય તમામ કામ બંધ કયારે શરૂ થાય તે પણ નક્કી નહિ !

વડિયા તા. ૩૮ : દેશના વિકાસમાં સંદેશા વ્યવહાર અને બચતનો નોંધનીય ફાળો રહેલો છે. સંદેશા વ્યવહારનુ કામ સરકારી ધોરણે ઇન્ડિયન પોસ્ટ દ્વારા કરવામાં આવે છે. આ ઉપરાંત સરકારની વિવિધ યોજનાઓની કામગીરી પણ પોસ્ટ ઓફિસમાં થાય છે. તેમાંઙ્ગમોટાભાગની કામગીરી ઓનલાઇન સોફટવેર દ્વારા થાય છે પરંતુ છેલ્લા એક અઠવાડિયાથી આ કામગીરી કોઈ ટેકિનકલ કારણોને હિસાબે અટકીઙ્ગ પડી છે.

જાણવા મળતી વિગત મુજબ સમગ્ર સિસ્ટમને રીપેરીંગ માટે અમરેલી મોકલવામાં આવી છે હજુ કયારે સમગ્ર સિસ્ટમ ચાલુ થશે તે કહેવુ શકય નથી.  આ સિસ્ટમ બંધ થતા લોકોના પીએલ આઈ અને બીજી બચત યોજનાઓના પ્રીમિયમ ભરવામાં ખુબ મુશ્કેલી પાડી રહી છે. લોકોને પોસ્ટમાં ઝડપી ટપાલ સેવા પણ આ બાબતથી પ્રભાવિત થઇ છે અને લોકોને પોસ્ટ ઓફિસના કામ માટે ધરમના ધક્કા ખાઈ રહ્યા છે.

જો આ સિસ્ટમ રીપેરીંગ ઝડપથી કરી ફરી તમામ સેવાઓ રાબેતા મુજબ કરવામાં આવે તો લોકોને પડતી હાલાકી બંધ થાય. તેવી લોક માંગણી જોવા મળી રહી છે.