Gujarati News

નવી દિલ્હી: બ્રાઝિલના ફૂટબોલ લિજેન્ડ પેલેને સર્જરી બાદ હોસ્પિટલમાંથી રજા આપવામાં આવી છે. ડોક્ટરોએ આ અંગે માહિતી આપી હતી. 80 વર્ષીય બ્રાઝિલિયન ફૂટબોલરને 4 સપ્ટેમ્બરે સાઓ પાઉલોની આલ્બર્ટ આઈન્સ્ટાઈન હોસ્પિટલમાં દાખલ કરવામાં આવ્યો હતો.હોસ્પિટલે મેડિકલ બુલેટિન બહાર પાડતા કહ્યું કે પેલે સ્થિર છે અને કીમોથેરાપીમાંથી પસાર થશે.પેલેએ જણાવ્યું હતું કે નિયમિત પરીક્ષણ દરમિયાન ગાંઠ મળી આવી હતી. તેણે સોશિયલ મીડિયા પર ઘણા ફોટા અને વીડિયો પોસ્ટ કર્યા હતા અને ચાહકોને ખાતરી આપી હતી કે તે સ્વસ્થ છે. ત્રણ વખતના વર્લ્ડ કપ વિજેતા છેલ્લા એક દાયકાથી વિવિધ સ્વાસ્થ્ય સમસ્યાઓ સામે લડી રહ્યા છે. પેલેએ 21 વર્ષની વ્યાવસાયિક કારકિર્દીમાં 1363 મેચમાં 1281 ગોલ કર્યા છે.