Gujarati News

નવીદિલ્‍હીઃ પૂર્વ કેપ્‍ટન અને હાલના બીસીસીઆઇ પ્રમુખ સૌરવ ગાંગુલી ફરી એકવાર ક્રિકેટના મેદાન પર વાપસી કરવા જઇ રહ્યા છે. દાદા લગભગ ૭ વર્ષ પછી મેદાન પર શોટ લગાવતા જોવા મળશે. સૌરવ ગાંગુલી લિજેન્‍ડ્‍સ લીગ ક્રિકેટમાં ચેરિટી માટે ખાસ ક્રિકેટ મેચ રમવા જઈ રહ્યો છે. આ મેચ માટે દાદા પણ ઘણા કલાકો સુધી જીમમાં મહેનત કરી રહ્યા છે.

સૌરવ ગાંગુલીએ  ઇન્‍સ્‍ટાગ્રામ પર કેટલીક તસવીરો પોસ્‍ટ કરી હતી અને જાણકારી આપી હતી કે તે લિજેન્‍ડ્‍સ લીક થયેલા ક્રિકેટમાં રમતા જોવા મળશે. આ તસવીરોમાં ગાંગુલી જીમમાં એક્‍સરસાઈઝ કરતા નજરે પડે છે. ગાંગુલીએ પોસ્‍ટ કર્યું હતું કે, તે સ્‍વતંત્રતાના અમૃત મહોત્‍સવ નિમિત્તે ચેરિટી ફંડ એકઠું કરવા માટે ક્રિકેટના મેદાન પર પરત ફરવા જઈ રહ્યો છે.