Gujarati News

નવી દિલ્હી: પાંચ વખતના એશિયન મેડલ વિજેતા શિવ થાપા (63.5 કિગ્રા) વર્લ્ડ બોક્સિંગ ચેમ્પિયનશિપના ક્વાર્ટર ફાઇનલમાં પહોંચી ગયા છે અને વર્લ્ડ ચેમ્પિયનશિપમાં બે મેડલ જીતનાર પ્રથમ ભારતીય પુરૂષ બોક્સર બનવાથી એક જીત દૂર છે. આસામના 27 વર્ષીય થાપાએ સોમવારે મોડી રાત્રે રમાયેલી મેચમાં ફ્રાન્સના લોનેસ હમરાઉઈને 4-1થી હરાવ્યો હતો. થાપાએ દોહામાં 2015 વર્લ્ડ ચેમ્પિયનશિપમાં બ્રોન્ઝ મેડલ જીત્યો હતો. સોમવારે જીત નોંધાવનાર તે એકમાત્ર ભારતીય રહ્યો હતો, જ્યારે એશિયન સિલ્વર મેડલ વિજેતા દીપક બોહરિયા (51 કિગ્રા) સહિત અન્ય ચાર બોક્સર હાર્યા બાદ બહાર થઈ ગયા હતા. થાપાનો મુકાબલો તુર્કીના કરીમ ઓઝમાન સામે થશે.