Gujarati News

Gujarati News

News of Wednesday, 5th May 2021

BCCIને ૧ હજાર કરોડનો દંડ ફટકારો

એડવોકેટ વંદના શાહે મુંબઈ હાઈકોર્ટમાં યાચિકા દાખલ કરી : અથવા તો એટલા જ રૂપિયાના ઓકિસજન કે દવાઓ ઉપલબ્ધ કરાવવાની માંગ

દેશમાં કોરોનાની સ્થિતિ બગડતા આઈપીએલ મોકૂફ રાખવામાં આવી છે. જો કે આ નિર્ણય પહેલા બોમ્બે હાઈકોર્ટના એક વકીલ વંદના શાહે ભારતીય ક્રિકેટ બોર્ડ પર ૧૦૦૦ કરોડ રૂપિયાનો દંડ લગાડવાની યાચિકા કોર્ટમાં દાખલ કરી છે.

આ યાચિકા મુજબ ક્રિકેટ બોર્ડે આ કોરોના કાળમાં જેટલી કમાણી કરી છે એટલો અથવા ૧૦૦૦ કરોડ રૂપિયાનો દંડ ફટકારવામાં આવે અથવા તો એટલા જ રૂપિયાના ઓકિસજન અને જરૂરી દવાઓ ઉપલબ્ધ કરાવે એવી માંગણી કરવામાં આવી છે.

આ ઉપરાંત ભારતીય ક્રિકેટ બોર્ડ પોતાના વ્યવહારને લીધે દેશવાસીઓની બિનશરતી માફી માગે એવી પણ માંગણી કરવામાં આવી છે. પોતે રમત - ગમતની પ્રશંસક હોવા છતાં કોરોના કાળમાં રમત કરતા લોકોના જીવન વધારે મહત્વના હોવાનું કહીને સ્મશાનોને વ્યવસ્થિત કરવાની માગણી પણ વંદના શાહે કરી છે.

(3:49 pm IST)
  • કોરોનાને કારણે પત્રકાર વિનોદ ગજ્જરનો જીવન દીપ બુજાયો પાટણ એબીપી ન્યૂઝ ચેનલના પત્રકાર શ્રી વિનોદભાઈ ગજ્જરનું કોરોનાને કારણે અવસાન થયું છે. ઘેરા શોકની લાગણી પ્રસરી છે access_time 9:35 pm IST

  • સાંજે ૬ વાગ્યે : રાજકોટમાં ૪૧.૨ ડિગ્રી : તાપ અને બફારા વચ્ચે ૧૪ કિ.મી.ની ઝડપે પવનો ફૂંકાઈ રહ્ના છે. હવામાન વિભાગ કહે છે હજુ ઍકાદ - બે દિવસ ૪૧ ડિગ્રી આસપાસ તાપમાન રહેશે : બાદ ૧ થી ૨ ડિગ્રી વધવા સંભવ access_time 5:48 pm IST

  • કર્ણાટકમાં કોરોના કેસનો આંક પ્રથમ વખત ૫૦ હજારને વળોટી ગયો કર્ણાટકમાં પ્રથમ વખત ૫૦ હજાર ઉપર નવા કેસ નોંધાયા, ૨૬૮૪૧ સાજા થયા અને છેલ્લા ૨૪ કલાકમાં ૩૪૬ મૃત્યુ થયા છે. access_time 9:34 pm IST